"Mohir qo'llar" to'garagi – hunar va ijodiy g‘oyalarning yangi qirralarini ochish uchun zamin yaratmoqda

Andijon davlat universitetining 5-sonli talabalar turar joyida talaba-qizlarning bo'sh vaqtlarini mazmunli tashkil etish hamda ularning kasbiy va ijtimoiy rivojlanishini ta'minlash maqsadida "Mohir qo'llar" to'garagi doirasida "Tikuvchilik" bo'yicha mashg'ulotlar o'tkazildi.

Mashg'ulot davomida Filologiya fakulteti xotin-qizlar masalalari bo'yicha dekan maslahatchisi D.Xodjayeva talaba-qizlar bilan birga milliy matolar bilan ishlash va ulardan bezak uchun foydalanish bo'yicha master-klass darslari olib bordi.

Aytish joizki, universitetimizda tizimli ravishda o'tkazilayotgan tikuvchilik to‘garagi talaba-qizlar uchun nafaqat qo‘shimcha hunar o‘rganish maydoni, balki ijodiy fikrlash, mehnatsevarlik va zamonaviy hayot talablariga mos ko‘nikmalarni shakllantirishda ham muhim ahamiyat kasb etadi.