Profilaktik nozir

Bo‘lim to‘g‘risida ma’lumot:

 

O‘zbekiston Respublikasi Prezidentining 2017 yil 20 apreldagi “Oliy ta’lim tizimini yanada rivojlantirish chora tadbirlari to’g’risida”gi PQ-2909 son, 2018-yil 5-iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-son Qarorlari, shuningdek, O‘zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi PF-4947-son hamda 2020-yil 29-oktabrdagi “Ilm-fanni 2030-yilgacha rivojlantirish konsepsiyasini tasdiqlash to‘g‘risida”gi PF-6097-son Farmonlarida belgilangan vazifalar ijrosini ta’minlash hamda ilmiy-tadqiqot faoliyatini takomillashtirish va o‘zaro hamkorlikni rivojlantirish, yoshlarni uzviy ilmiy ijodiy faoliyatga undash, ularni qo‘llab quvvatlashga qaratilgan boshqa qonun hujjatlarining ijrosini ta’minlash yoshlar o‘rtasida jinoyatchilikni oldini olish hamda sodir etilgan jinoyatlarni tahliliy o‘rganib, huquqbuzarliklarni keltirib chiqaruvchi omillarni bartaraf etish, shuningdek, profilaktik tadbirlarni kuchaytirish maqsadida universitetda profilaktika inspektori lavozimi joriy qilingan.

        

 

 

 

 

 

 

 

 

Oliy ta’lim muassasalarida huquqbuzarliklar profilaktikasini

amalga oshirish tartibi tog‘risida

YO‘RIQNOMA

 

Umumiy qoidalar

1. Mazkur Yo‘riqnoma oliy ta’lim muassasalari va ularning filiallarida (keyingi o‘rinlarda ta’lim muassasalari deb yuritiladi) talabalari, shuningdek, ishchi xizmatchilari tomonidan huquqbuzarliklar yoki boshqa g‘ayri ijtimoiy xatti-harakatlar sodir etilishiga imkon beradigan sabablar va shart-sharoitlarni aniqlash hamda bartaraf etish, yakka tartibdagi profilaktika ishlarini amalga oshirish (keyingi o‘rinlarda huquqbuzarliklar profilaktikasini amalga oshirish deb yuritiladi) tartibini belgilaydi.

2. Ta’lim muassasalari O‘zbekiston Respublikasi Konstitutsiyasi, "Yoshlarga oid davlat siyosati to‘g‘risida"gi, "Ta’lim to‘g‘risida"gi, "Huquqbuzarliklar profilaktikasi to‘g‘risida"gi qonunlar, O‘zbekiston Respublikasi Oliy Majlisining qarorlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari va farmoyishlari, boshqa qonunchilik xujjatlari, shuningdek, mazkur Yo‘riqnoma asosida huquqbuzarliklar profilaktikasini amalga oshiradi.

3. Ta’lim muassasalarida huquqbuzarliklar profilaktikasini amalga oshirish faoliyati O‘zbekiston Respublikasi Oliy ta’lim, fan va innovatsiyalar vazirligi xamda Ichki ishlar vazirligi tomonidan muvofiqlashtirilib boriladi.

4. Oliy ta’lim muassasalarining yoshlar masalalari va manaviy-marifiy ishlar buyicha birinchi prorektorlari hamda oliy talim muassasalarida faoliyat olib borayotgan "tyutor" lar (keyingi o‘rinlarda ta’lim muassasalari mas’ullari deb yuritiladi) ta’lim muassasalarida huquqbuzarliklar profilaktikasini tashkil etishga masul hisoblanadilar.

5. Ushbu Yo‘riqnomada quyidagi asosiy tushunchalar qo‘llaniladi:

• "Davomat" - oliy ta’lim muassasalari talabalarning sababsiz dars mashg‘ulotlariga qatnashmaslik holatlarini aniqlashga mo‘ljallangan ta’lim muassasalari mas’ullari, ichki ishlar organlari xodimlari, talabalar ota-onalaridan iborat guruh tomonidan o‘tkaziladigan maxsus tadbir;
• "Tig" - oliy ta’lim muassasalarida shaxslarning hayoti va sog‘ligiga qarshi huquqbuzarliklar sodir etilishining oldini olish, ta’lim muassasalariga turli jism va moddalarning noqonuniy olib kelinishini oldini olish maqsadida o‘tkaziladigan maxsus tadbir;
• "Oriyat" - oliy ta’lim muassasalarila turli yot g‘oyalar targ‘iboti va axloq-odob doirasidagi huquqbuzarliklar sodir etilishining oldini olish maqsadida o‘tkaziladigan maxsus tadbir.

6. Talim muassasalari mas’ullari xukukbuzarliklar profilaktikasi soxasida faoliyatini ichki ishlar organlari bilan, xususan, ichki ishlar organlarining tayanch punktlari (maxalla xukuk-tartibot maskani, oliy talim muassasalari) profilaktika (katta) inspektorlari (keyingi rinlarda profilaktika inspektorlari deb yuritiladi), ichki ishlar organlari (oliy talim muassasalari) xotin-kizlar masalalari buyicha (katta) inspektorlar (keyingi rinlarda ichki ishlar organlari xodimlari deb yuritiladi) bilan xamkorlikda amalga oshiradi.

 

 

 

 

 

 

 

 

 

 

 

 

Ta’lim muassasalarida xizmat qiluvchi ichki ishlar organlari

xodimlarining huquqbuzarliklar profilaktikasini tashkil

etishdagi vazifalari

 

1. Ta’lim muassasalarida xizmat qilayotgan ichki ishlar organlari xodimlari O‘zbekiston Respublikasi Prezidentining 2017 yil 18 apreldagi PQ-2896-sonli qarori talablariga muvofik, bevosita biriktirilgan oliy ta’lim muassasasida huquqbuzarliklar profilaktikasini amalga oshiradi.

2. Talim muassasalari profilaktika inspektorlari o‘zlariga biriktirilgan xizmat xonasida quyidagi xujjatlarni yuritadi:

• Yo‘riqnomaning 2 ilovasiga muvofik, fuqarolarni qabul qilish kitobini;
• Yo‘riqnomaning 3 ilovasiga muvofik, oliy ta’lim muassasasi xududiga xizmatga kelgan ichki ishlar organlari sohaviy xizmatlari, boshqa huquqni muhofaza qilish yoki boshka tashkilotlar xodimlari va ular tomonidan amalga oshirilgan ish natijalari haqidagi ma’lumotlarni qayd etish kitobini;
• Yo‘riqnomaning 4 ilovasiga muvofik, profilaktika suhbatini qayd etish kitobini;
• Huquqbuzarliklar profilaktikasini tashkil etishga oid yozishmalar va ma’lumotlar yig‘ma jildlarini.

3. Ta’lim muassasalari profilaktika (katta) inspektorlari hamda xotin-qizlar masalalari bo‘yicha (katta) inspektorlari ta’lim muassasasi mas’ullariga «Talabalar balansi»ga kiritish uchun huquqbuzarlik sodir etan hamda huquqbuzarlik sodir etishga moyil bo‘lgan talabalar ro‘yxatini taqdim etadi.