Davlat imtihonlari
Yakuniy davlat imtihonlarining oʻtkazilishi va tashkil etilishi toʻgʻrisida
Ma’ruzachi: Axborot texnologiyalari bo‘yicha prorektor M.Maxkamov
1. O'zbekiston Respublikasi Vazirlar Mahkamasining "Oliy va kasbiy ta'lim tashkilotlari bitiruvchilarining yakuniy davlat attestatsiyasini tashkil etish chora-tadbirlari to'g'risida” 2024-yil 13-dekabrdagi 836-son qarori
2. Oliy taʼlim, fan va innovatsiyalar vazirining 2024-yil 23-dekabrdagi «Oliy va kasbiy ta’lim tashkilotlari bitiruvchilarining yakuniy davlat attestatsiyasini tashkil etish chora-tadbirlari toʻgʻrisida»gi 472-sonli buyrug‘i
3. Kunduzgi va sirtqi taʼlim shakli bitiruvchilari uchun yakuniy davlat attestatsiyasi sinovlari shaklini belgilash
Universitetning kunduzgi, sirtqi ta’lim shakllari bakalavriat ta’lim yo‘nalishlari va magistratura mutaxassisliklari bitiruvchi bosqich talabalari uchun 2024-2025 o‘quv yilida o‘tkaziladigan yakuniy davlat attestatsiyasi sinovlarining oʻtkazilish tartibi O'zbekiston Respublikasi Vazirlar Mahkamasining "Oliy va kasbiy ta'lim tashkilotlari bitiruvchilarining yakuniy davlat attestatsiyasini tashkil etish chora-tadbirlari to'g'risida” 2024-yil 13-dekabrdagi 836-son qarori hamda Oʻzbekiston Respublikasi Oliy taʼlim, fan va innovatsiyalar vazirining 2024-yil 23-dekabrdagi «Oliy va kasbiy ta’lim tashkilotlari bitiruvchilarining yakuniy davlat attestatsiyasini tashkil etish chora-tadbirlari toʻgʻrisida»gi 472-sonli buyrug‘iga muvofiq tashkil etiladi.
1. Yuqoridagi qaror boʻyicha yakuniy davlat attestatsiyasi quyidagi shakllarda o‘tkazilishi mumkin:
xorijiy til boʻyicha yakuniy davlat attestatsiya sinovi (oliy taʼlim muassasasi Kengashi qaroriga asosan oʻtkazilishi mumkin);
maxsus (majburiy) fanlar;
bitiruv malakaviy ish himoyasi;
diplom loyihasi himoyasi;
magistrlik dissertatsiyasi ishi himoyasi;
ta’lim yo‘nalishi va mutaxassislikka mos “start-up” loyihasi hamda ratsionalizatorlik g‘oyasi taqdimoti. Bunda:
“start-up” loyihasi muallifi (hammuallifi) uqish davrida (bakalavriat yoki magistratura) tegishli davlat organi tomonidan e’lon qilingan tanlov yakunlariga ko‘ra g‘olib deb topilgan bo‘lishi;
ratsionalizatorlik g‘oyaasi muallifi (hammuallifi) tomonidan taklif etilgan g‘oya o‘qish davrida (bakalavriat yoki magistratura) kamida uchta korxona (tashkilot) tomonidan amaliyotga joriy qilingan va uning iqtisodiy yoki ijtimоiy samara berganligi bo‘yicha mazkur kоrxоna (tashkilоt) tоmоnidan dalоlatnоma rasmiylashtirilgan bo‘lishi lоzim.
2. Zaruratga ko‘ra xorijiy til bo‘yicha attestatsiya oliy ta’lim tashkiloti Kengashining qaroriga muvofiq o‘tkaziladi.
Bunda xorijiy til bo‘yicha kamida B2 darajadagi (filologiya yo‘nalishlari bo‘yicha kamida C1 darajadagi) milliy yoki unga mos darajadagi xalqaro sertifikatga ega bitiruvchilar xorijiy til bo‘yicha attestatsiyadan ozod etiladi.
3. Ta’lim yo‘nalishi va mutaxassislik bo‘yicha maxsus (majburiy) fanlardan attestatsiya fanlar mazmuniga qo‘yiladigan talablar bilan bir qatorda, malaka talablarida nazarda tutilgan bilim, ko‘nikma va malaka darajasini aniqlashga yo‘naltiriladi.
Yakuniy davlat attestatsiyasini majburiy fanlardan (fanlararo) yakuniy davlat attestatsiya sinovi yoki diplom loyihasi himoyasi yoxud bitiruv malakaviy ishi (magistrlik dissertatsiyasi) himoyasi shaklida oʻtkazilishi bitiruvchilarning iqtidori, xohishi va taʼlim xususiyatidan kelib chiqqan holda oliy taʼlim muassasasi Kengashi qarori bilan belgilanadi.
Yakuniy davlat attestatsiyasiga oliy taʼlim muassasasi Kengashi qaroriga asosan xorijiy til boʻyicha yakuniy davlat attestatsiya sinovi qoʻshimcha sifatida kiritilishi mumkin.
Attestatsiyada xorijiy til va maxsus (majburiy) fanlar bo‘yicha sinovlar yozma yoki test yoxud og‘zaki shaklda tashkil etiladi.
Yakuniy davlat attestatsiyasi sinovlari oʻquv jarayoni jadvalida koʻrsatilgan muddatlarda oʻquv-uslubiy boʻlim (boshqarma) tomonidan tayyorlangan, oliy taʼlim muassasasi oʻquv ishlari boʻyicha prorektori tomonidan tasdiqlangan Yakuniy davlat attestatsiyasi sinovlari jadvali asosida oʻtkaziladi.
Yuqoridagilardan kelib chiqqan xolda yakuniy davlat attestatsiyasi sinovlarining oʻtkazilish shakli hamda tartibini muhokama qilib kelishib olishimiz kerak.
Mazkur oʻquv yilida jami bitiruvchilar soni 5778 nafarni tashkil etib shundan: kunduzgi taʼlim shaklida 1464 nafar, sirtqi taʼlim shaklida 4162 nafar, magistratura mutaxassisligi bo‘yicha esa 152 nafarni tashkil qiladi.
Kunduzgi taʼlim shaklida 1459 nafar bitiruvchilarning 407 nafari bitiruv malakaviy ish yozayotgan boʻlsa qolgan 1052 nafari majburiy fanlaridan yakuniy davlat attestatsiyasi sinovlarini topshiradilar.
Sirtqi taʼlim shaklida 4202 nafar bitiruvchilarning 24 nafari bitiruv malakaviy ish yozayotgan boʻlsa qolgan 4178 nafari majburiy fanlaridan yakuniy davlat attestatsiyasi sinovlarini topshiradilar.
Jami 431 nafar bitiruv malakaviy ish yozadigan bitiruvchilar yakuniy davlat attestasiya sinovlariga kirmaydilar. Qolgan bitiruvchilardan yakuniy davlat attestasiya sinovlari yozma ish yoki test sinovlari orqali amalga oshirilishi kerak.
OTFIVning 472-sonli buyrug‘iga muvofiq attestatsiya boshlanishidan olti oy oldin maxsus (majburiy) fanlar bo‘yicha o‘tkaziladigan sinovlar shaklini belgilasin hamda bitiruvchilar e’tiboriga yetkalishi kerak;
Kunduzgi va sirtqi taʼlim shakli bitiruvchilari uchun yakuniy davlat attestatsiyasi sinovlari test koʻrinishida oʻtkazilishini taklif qilamiz.
Nizom talablari boʻyicha yakuniy davlat attestatsiyasi sinovlari savollari hamda testlar sinov oʻtkaziladigan kundan kamida uch oy oldin tajribali professor-o‘qituvchilar hamda korxonalarning (tashkilotlarning) mutaxassislarini jalb etgan holda, kafedralar tomonidan yakuniy davlat attestatsiyasi sinovlari dasturlarini ishlab chiqish hamda savollar (testlar) banki ishlab chiqilib universitet rasmiy veb saytida e’lon qilinishi kerak boʻladi.
Bitiruv malakaviy ish (magistrlik) dissertatsiyalari himoyadan ikki hafta oldin antiplagiat dasturi asosida tekshiriladi va plagiatga yo‘l qo‘yilgani aniqlansa, takroran bir marotaba qayta tekshirishdan o‘tkazishga ruxsat beriladi.
Ikkinchi marotaba ham plagiat holatlari bartaraf etilmagan taqdirda attestatsiya keyinga qoldiriladi.
Bunda plagiat holatlari bartaraf etilgan taqdirda, bitiruvchiga attestatsiyada qatnashishga ruxsat beriladi.
Kun tartibidagi ushbu masala yuzasidan
Kengash qaror qiladi:
1. 2024/2025 oʻquv yilida bakalavriat (magistratura mutaxassisliklari) taʼlim yoʻnalishlarida Yakuniy davlat attestatsiyasi sinovlariga jiddiy tayyorgarlik koʻrilsin.
Masʼul: o‘quv-uslubiy boshqarma, fakultet dekanlari, kafedra mudirlari.
2. 2025-yilning 20-yanvar sanasiga qadar ta’lim yo‘nalishlar va mutaxassisliklarga mos maxsus (majburiy) fanlar ro‘yxati universitet rasmiy veb-saytida e’lon qilinsin.
3. Attestatsiyadan 3 oy oldin Yakuniy davlat attestatsiyasi sinovlari uchun dasturlar va savollar (testlar) ishlab chiqilsin va oʻquv uslubiy boshqarmaga taqdim etilsin. Taqdim etilgan attestatsiya dasturlari universitet rasmiy veb-saytida e’lon qilinsin. Masʼullar: kafedra mudirlari, universitetning raqamli ta’lim texnologiyalarini rivojlantirish markazi.
4. 2024/2025 oʻquv yilida kunduzgi va sirtqi taʼlim shakli bitiruvchilari uchun yakuniy davlat attestatsiyasi test shaklida oʻtkazilishi belgilab qoʻyilsin va talabalar e’tiboriga yetkazilsin.
5. Bitiruv malakaviy ish va magistrlik dissertatsiyalarining plagiatga tekshirilishi hamda dastlabki muhokamasi boʻyicha amaliy ishlar 2025-yilning may oyiga qadar yakuniga yetkazilsin.