Universitet kengashi

Zahiriddin Muhammad Bobur nomidagi
Andijon davlat universiteti Kengashi to‘g‘risida 
Nizom

Mazkur Nizom O‘zbekiston Respublikasining “Ta’lim to‘g‘risida”gi (O‘zbekiston Respublikasi Oliy Majlisining Axborotnomasi, 1997 y. 9-son, 225-modda) va “Kadrlar tayyorlash milliy dasturi to‘g‘risida”gi (O‘zbekiston Respublikasi Oliy Majlisining Axborotnomasi, 1997 y. 11-12-son, 295-modda) qonunlariga hamda “Oliy ta’lim to‘g‘risida”gi Nizomga muvofiq universitet Kengashi faoliyatini tashkil etish tartibini belgilaydi.

 I. Umumiy qoidalar

1. Universitetning faoliyatiga tegishli asosiy masalalarni ko‘rib chiqish uchun rektor raisligida universitet Kengashi tashkil etiladi.

2. Ilmiy kengash tarkibi rektor, prorektorlar, fakultet dekanlari, universitet tarkibiga kiruvchi mustaqil tashkilot va tarmoqlar direktorlari, mutaxassis chiqaruvchi kafedralar mudiri, shuningdek, jamoat tashkilotlari rahbarlaridan tashkil etiladi. Kengashning boshqa a’zolari fakultetning umumiy majlisida yashirin ovoz berish yo‘li bilan saylanadilar. Professor-o‘qituvchilar tarkibidan Kengashga saylanuvchi a’zolarning soni rektorning buyrug‘i bilan belgilanadi. Kengash tarkibiga universitetning muayyan yo‘nalish muammolari bo‘yicha ishlayotgan yirik olim va mutaxassislari ham kiritilishi mumkin. Vakolat muddati – 5 yil. 

3. Kengash tarkibi universitet rektorining buyrug‘i bilan tasdiqlanadi. Har o‘quv yilining boshida, turli sabablarga ko‘ra Kengash tarkibidan chiqqanlar o‘rniga, yangi a’zolar saylanadi yoki nizom bo‘yicha kiritiladi.

II. Kengashning maqsad va vazifalari 

4. Kengashning maqsadi – universitet jamoasi sa’y-harakatlari, intellektual salohiyati va boshqa barcha imkoniyatlarni O‘zbekiston Respublikasining “Ta’lim to‘g‘risida”gi va “Kadrlar tayyorlash milliy dasturi to‘g‘risida”gi qonunlarida belgilangan vazifalarning bajarilishini ta’minlash, oliy ta’limning davlat ta’lim standarti talablari darajasida mukammal bilim, malaka, ko‘nikmalarga ega bo‘lgan professional mutaxassislar tayyorlashga yo‘naltirishdan iborat. 

5. Universitet Kengashi:

• kadrlar tayyorlash milliy dasturiga muvofiq davlat ta’lim standartlari, o‘quv rejalari va dasturlarining qat’iy bajarilishini o‘rganib chiqadi hamda ustuvor masalalar bo‘yicha tavsiya va topshiriqlar belgilaydi; 

• fakultetlarning o‘quv, ilmiy-tadqiqot va ma’naviy-ma’rifiy ishlari to‘g‘risidagi, akademik litseylar, universitet qoshidagi ilmiy jamiyatlarning faoliyati to‘g‘risidagi, qabul komissiyasining qabul natijalari to‘g‘risidagi, shuningdek, marketing xizmatining xalq xo‘jaligining bitiruvchi mutaxassislarga bo‘lgan ehtiyoji, buyurtmachi tashkilotlar bilan hamkorlik aloqalari to‘g‘risidagi hisobotlarini eshitadi hamda tegishli qaror qabul qiladi; 

• ilmiy-tadqiqot, ma’naviy-ma’rifiy ishlar rejalari ijrosi, professor-o‘qituvchilar tarkibining malaka oshirish va qayta tayyorlash masalalarini muhokama qiladi hamda tegishli qarorlarni qabul qiladi; 

• iqtidorli talabalar safidan va professor-o‘qituvchilar tarkibidan nomzodlarni tegishli jamg‘armalar orqali xorijiy oliy ta’lim muassasalarida stajirovka o‘tishga tavsiya etadi; 

• universitet iqtidorli talabalari va stajor-tadqiqotchi-izlanuvchilari safidan O‘zbekiston Respublikasi Prezidenti Davlat stipendiyasi va nomli davlat stipendiyalar tanlovida ishtirok etadigan nomzodlarni tavsiya etadi; 

• "Sog‘lom avlod uchun" jamg‘armasi bilan hamkorlikda talabalarning jismoniy tarbiyasi va ularning sog‘liqlarini yanada yaxshilash bo‘yicha tadbirlar ishlab chiqadi; 

• asosiy buyurtmachi tashkilot, korxona va muassasalar bilan korporativ hamkorlikni rivojlantirish, moddiy-texnik bazani mustahkamlash hamda talabalarning malakaviy amalyoti samaradorligini oshirish masalalarini muhokama qiladi va ularni yaxshilash bo‘yicha tavsiyalar ishlab chiqadi; 

• xorijiy mamlakatlarning oliy ta’lim muassasalari bilan hamkorlik aloqalarini o‘rnatish bo‘yicha qarorlar qabul qiladi; 

• ta’lim xizmatlari bilan shug‘ullanuvchi kichik korxonalar, firma va kurslar faoliyati haqida rahbarlarning hisobotlarini eshitadi hamda tegishli qaror qabul qiladi; 

• universitet talabalari va xodimlarining texnika xavfsizligi va mehnat muhofazasini takomillashtirish bo‘yicha tadbirlarni belgilaydi.

III. Kengash faoliyatini tashkil etish 

6. Kengash o‘z faoliyatini har o‘quv yili uchun ishlab chiqiladigan rejaga muvofiq amalga oshiradi. Kengash rejasi Kengash tomonidan ko‘rib chiqilgandan so‘ng universitet rektori tomonidan tasdiqlanadi. 

7. Universitetning o‘quv, ilmiy-uslubiy, ilmiy-tadqiqot, ma’naviy-ma’rifiy va tashkiliy ishlarga doir barcha masalalar bo‘yicha Kengash qarorlari ochiq ovoz berish tartibida ko‘pchilikning ovozi bilan qabul qilinadi. Kengash majlisi uning tarkibidagi a’zolarning 2/3 qismi ishtirok etgandagina haqiqiy hisoblanadi.

8. Professor-o‘qituvchilar tarkibi lavozimlarini egallash hamda professor yoki dotsent ilmiy unvonlarini berish bo‘yicha o‘tkaziladigan tanlovlar va taqdimnomalar yuzasidan qarorlar yopiq ovoz berish yo‘li bilan belgilangan tartibda qabul qilinadi. 

9. Kengash qarorlari universitet rektori tomonidan tasdiqlanganidan so‘ng kuchga kiradi.

10. Kengash majlisi bayonnoma bilan rasmiylashtiriladi. Bayonnomalar Kengash raisi va ilmiy kotibi tomonidan imzolanadi.

11. Kengash raisi muntazam ravishda Kengash qarorlarining bajarilishi bo‘yicha tekshiruvlar tashkil etadi va Kengash a’zolariga ularning natijalari haqida axborot beradi.

2023-2024 o‘quv yilida Zahiriddin Muhammad Bobur nomidagi
Andijon davlat universiteti Kengashining

TARKIBI

 

№	F.I.Sh.	Lavozimi	Imzo
1	B.B.Akbaraliyev	Universitet rektori, kengash raisi
2	R.V.Mullajonov	O‘quv ishlari bo‘yicha prorektor
3	X.Xo‘jamberdiyev	Yoshlar ishlari va ma’naviy-ma’rifiy ishlar bo‘yicha birinchi prorektor
4	Sh.Sobirov	Moliya va iqtisodiyot ishlari bo‘yicha prorektor
5	M.K.Maxkamov	Axborot texnologiyalari bo‘yicha prorektor
6	I.A.Karimjanov	Ilmiy ishlar va innovatsiyalar bo‘yicha prorektor
7	G‘.Xaydarov	O‘quv-uslubiy boshqarma boshlig‘i
8	S.Zaynobiddinov	Fizika kafedrasi professori, akademik
9	I.Asqarov	Kimyo kafedrasi professori
10	R.Shamsutdinov	O‘zbekiston tarixi kafedrasi professori
11	D.Quronov	ADU ilmiy xabarnoma jurnali muharriri, professor
12	R.Aliyev	Umumiy fizika kafedrasi professori
13	M.Mamajonov	Geografiya kafedrasi professori
14	K.Yunusov	Fuqarolik jamiyati nazariyasi kafedrasi professori
15	Sh.Shaxabiddinova	O‘zbek tilshunosligi kafedrasi professori
16	S.Mirzayeva	O‘zbek adabiyotshunosligi kafedrasi professori
17	D.Nurmatov	Ta’lim sifatini nazorat qilish bo‘limi boshlig‘i
18	A.Karimberdiyev	Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i
19	N.Asqarov	Magistratura bo‘limi boshlig‘i
20	I.Xasanov	Xalqaro aloqalar bo‘limi boshlig‘i
21	M.Jaynaqov	Ilmiy-tadqiqotlar, innovatsiyalar va ilmiy-pedagogik kadrlar tayyorlash bo‘limi boshlig‘i
22	L.Qurbonova	Sirtqi bo‘lim boshlig‘i
23	M.Sodiqova	Katta yuriskonsult
24	X.Mansurov	Fizika fakulteti dekani
25	B.Raxmonov	Filologiya fakulteti dekani
26	T.Madumarov	Ijtimoiy-iqtisodiyot fakulteti dekani
27	Z.Jumaqulov	Jismoniy madaniyat fakulteti dekani
28	N.To‘xtaboyev	Tabiiy fanlar fakulteti dekani
29	R.Shamsutdinov	Tarix fakulteti dekani
30	T.Ibaydullayev	Matematika fakulteti dekani
31	Ch.Shokirova	Pedagogika va san’atshunoslik fakulteti dekani
32	A.Medatov	Axborot texnologiyalari fakulteti dekani
33	M.Yunusova	Fuqarolik jamiyati nazariyasi kafedrasi mudiri
34	A.Xusanov	Biologiya va biotexnologiya kafedrasi mudiri
35	S.Yuldashev	Fakultetlararo jismoniy madaniyat va sport kafedrasi mudiri
36	Z.Egamberdiyev	ARM direktori
37	A.Maxmudov	Bosh hisobchi
38	B.Tojiboyev	Xodimlar bo‘limi boshlig‘i
39	L.Soliyev	Moliya-reja bo‘limi boshlig‘i
40	S.Shamsitdinov	Marketing va talabalar amaliyoti bo‘limi boshlig‘i
41	U.Axmedova	Xotin-qizlar maslahat kengashi raisi
42	O.Olimjonov	Yoshlar ittifoqi yetakchisi
43	M.Botirov	Xodimlar va talabalar kasaba uyushma qo‘mitasi raisi
44	A.Isayev	AndDU ma’naviyat va ma’rifat kengashi kotibi
45	U.Valiyev	AndDU akademik litseyi direktori
46	O.Xabibullayev	Shahrixon agrosanoat texnikumi direktori
47	A.Mirzayev	Izboskan agrosanoat texnikumi direktori
48	J.Mamatov	Xonobod sanoat texnikumi direktori
49	I.Djumaboyev	Matbuot kotibi
50	J.Ziyoitdinov	Kengash kotibi