Joriy yilning 14-15 oktyabr kunlari Toshkent kimyo-texnologiya institutida Erasmus+ dasturi ECAMPUZ loyihasi doirasida “FOLLOW-UP MEETINGS WITH CAMP 2 PARTICIPANTS” (CAMP-2 ishtirokchilari bilan keyingi uchrashuvlar) o‘tkazildi.

Unda Andijon davlat universitetidan Ispaniyaning Ekstramadura universitetida CAMP-2 ikki haftalik treningda qatnashgan besh nafar talabalar ishtirok etdi.
Ushbu yig‘ilishda Yevropa Ittifoqidan professorlar Jorge Ruiz-Carrascal (Ekstremadura universiteti, Ispaniya), Josue Delgado Peron (Ekstremadura universiteti, Ispaniya), Bekzod Khakimov (Kopengagen universiteti, Daniya) va Tomasz Pawel Czaja (Kopengagen universiteti, Daniya) ishtirok etdilar. Ular CAMP-2 treningning asosiy jihatlari va asosiy o'rganilgan ma’lumotlar to’grisida qisqacha xulosa berdilar hamda oziq-ovqat xavfsizligi va mikrobiologiyasidagi muhim tushunchalarda to‘xtalib o‘tdilar.

Shu bilan birga davra suhbati tashkil qilinib, har bir CAMP-2 trening ishtirokchilari bilan duch kelgan muammolar muhokama qilindi va shaxsiy mulohazalar eshitildi. CAMP-2 treningidan olingan bilimlarni yoyish masalasi va kelgusida ishtirokchilarning rejalari ko‘rib chiqildi. Yevropa Ittifoqidan tashrif buyurgan olimlar O‘zbekistonda oziq-ovqat fanlari va texnologiyalari sohasini rivojlantirish bo‘yicha o‘zlarining fikr mulohazalarini berdilar.

Yig‘ilish ishtirokchilari “INTERNATIONAL BEVERAGES TASHKENT” ishlab chiqarish korxonasiga tashrif buyurdilar. U yerda “PEPSI” va “LIPTON” brendi ostidagi ichimliklarni qanday tayyorlanishi bilan tanishdilar.

Tadbir yakunida CAMP-2 treningi bo‘yicha eng yaxshi videotanlov g'oliblari e'lon qilindi. Unda 5ta OTM ichida Andijon davlat universiteti talabalari mutloq g'olib deb topildi va ular esdalik sovgʻalari va sertifikat bilan taqdirlandilar.