0(374)223 88 14
     
  A   A   A   A   A   RASMSIZ  

ANDIJON DAVLAT UNIVERSITETI DELEGATSIYASI ROSSIYA FEDERATSIYASI MORDOVIYA DAVLAT UNIVERSITETIGA TASHRIF BUYURDI

28 Yanvar 2019 yil, Dushanba
Ko'rilgan: 621

Muallifi: Sharofiddin Hoshimjonov
ADU matbuot kotibi

Ayni vaqtda Andijon davlat universiteti delegatsiyasi vakillari Rossiya Federatsiyasi Mordoviya davlat universitetida bo’lib turibdi. Delegatsiya tarkibida universitet rektori Yuldashev Akramjon Sultanmurodovich, ilmiy ishlar va innovatsiyalar bo'yicha prorektor Rasulov Baxtiyor Maxmudjanovich, xalqaro hamkorlik bo'limi boshlig'i Alimov Farhod Sharabidinovichlar Mordoviya davlat universitetiga tashrif buyurdilar. Tashrifdan ko’zlangan asosiy maqsad, ikki tomonlama akademik hamkorlikni yanada mustahkamlash, shuningdek, qo’shma fakultetlar tashkil etish, talabalar almashinuvini yo’lga qo’yish, professor-o’qituvchilarni stajirovka, malaka oshirish, aspirantura va doktoranturaga yuborish, o’zaro ilmiy, metodik hamkorlikni rivojlantirishdan iborat.

Tashrifning birinchi kunida delgatsiyamiz vakillari dastlab N.P.Ogaryov nomidagi Mordoviya davlat universiteti rektori S.M.Vdovin, shuningdek, axborotlashtirish va xalqaro hamkorlik bo'yicha prorektor K.A.Leshchankin, ilmiy ishlar bo'yicha prorektor P.V. Senin, o'quv ishlari bo'yicha prorektor A.Y.Maslova, iqtisodiyot bo'yicha prorektor D. Okunev, darsdan tashqari ishlar bo'yicha prorektor M.D.Martinovalar bilan uchrashuv bo’lib o’tdi.

Shundan so’ng, delegatsiyamiz vakillari universitetning ilmiy, ta'lim va ijtimoiy infratuzilmalari bilan tanishish maqsadida Mordoviya davlat universitetining Matematika va axborot texnologiyalari, Iqtisodiyot, Biotexnologiya va biologiya fakultetlariga, Fizika va kimyo, Tibbiyot, Milliy madaniyat institutlariga, sport-sog’lomlashtirish majmuasi, volontyorlar markazi, M.M. Baxtin nomidagi markazga tashrif buyurdilar.

Tashrifning ikkinchi kunida hamkorlik aloqalari bo’yicha shartnomalar imzolanishi rejalashtirilmoqda.

Ma’lumot o’rnida shuni aytish lozimki, hamkorlik aloqalari 2018 yilning 18-19-oktabr kunlari Toshkent shahrida o'tkazilgan "O'zbekiston-Rossiya ta'lim forumi"dagi kelishuvlar natijasiga ko'ra Rossiya Federatsiyasining Mordoviya davlat universiteti va Andijon davlat universiteti o'rtasida imzolangan hamkorlik memorandumi doirasida amalga oshirilmoqda.

 

XALQARO LOYIHALAR

RESURSLARIMIZ

MANZILIMIZ
170100, O'zbekiston Respublikasi, Andijon shahar,
Universitet ko'chasi 129-uy
E-pochta: agsu_info@edu.uz
Telefon/faks: 0 (374) 223 88 30
Ishonch telefon: 0 (374) 223 88 14
Transport: 75-yo'nalishdagi taksilar

BIZ IJTIMOIY TARMOQLARDA

© Andijon davlat universiteti, 2019. Barcha huquqlar himoyalangan. 
 
Ta'lim sifatini oshirish yuzasidan murojaat yo'llang!