Ijtimoiy fanlar

BAKALAVRIAT

• 60311000 – Sotsiologiya
• 60920100-Ijtimoiy ish

ILMIY ISHLAR HAQIDA MA'LUMOT

• Kafedra professor-o‘qituvchilari tomonidan o‘quv-ilmiy faoliyat jarayonida foydalanish uchun 20 dan ortiq o‘quv qo‘llanmalar, 30 dan ortiq risolalar yaratildi. Kafedradaning yetakchi professor-o‘qituvchilaridan siyosiy fanlar doktori, professor Muqimjon Qirg‘izboyev tomonidan “Siyosatshunoslik” (2013), “Sotsiologiya” (2017), “Fuqarolik jamiyati” (A.Otamurotov bilan hammualliflikda, 2019) kabi o‘quv qo‘llanmalari; siyosiy fanlar doktori Kamoliddin Yunusov “Sotsiologiyadan praktikum”(2005), “Sotsiologiya” (2003), “Xalqaro terrorizm – insoniyatga suiqasd”(2002), “Milliy istiqlol g‘oyasi: asosiy tushuncha va tamoyillar”(2002), “O‘zbekistonda fuqarolik jamiyatining shakllanishi va rivojlanishi” (2022), “Umumiy sotsiologiya” (2025), “O‘zbekistonda sotsiologiya fani namoyandalari” (2025) o‘quv qo‘llanma, darslik va risolalari; falsafa fanlari doktori Manzura Yunusova tomonidan “Politologiya” (2006) (N.Ulug‘jonov bilan hammualliflikda), “O‘zbekistonda geosiyosat va geosiyosiy vaziyat asoslari” (2007), “Mahalla – demokratik boshqaruvning noyob na’munasi” (2008), “O‘zbekistonda mahalla tizimi transformatsiyasining ijtimoiy-falsafiy tahlili” (2023), “O‘zbekistonda mahalla tizimi transformatsiyasi” (2025) kabi o‘quv qo‘llanma, darslik va risolalari, F. Yuldashevaning “Globallashuv va ma’naviyat” (2012), “Globallashuv: mohiyati va ziddiyatlari” (2014), “Etika va estetika” (2015), “Sennosti islama v duxovnom obnovlenii obshestva” (2016), “Modernizasiyaning falsafiy jihatlari” (2017) asarlari, “Globallashuv va ma’naviyat” (2023) darsliklari, professor T.O.Ortiqovning “Tafakkur ummonidan tomchilar” (2014), “Zamondoshimga maktublar” (2015), “Eynshteyn: ilmiylik va insonparvarlik uyg‘unligi” (2015), “Dildagi so‘zlar” (2015), “Siz aql egasi” (2016), “Tafakkur manzillari” (2017), “O‘zbek gulistoni yohud axloq” (2019) hamda “Tafakkur manzillari yoki o‘zbek falsafasiga chizgilar” (2020) kitoblari chop etildi. Kafedra bosh ilmiy-tadqiqot mavzusi “O‘zbekistonda fuqarolik jamiyati barpo etishning ijtimoiy-siyosiy va ma’naviy-mafkuraviy muammolari” deb nomlanadi. Kafedrada 2007-2011 yillarda siyosiy fanlar doktori K.Yunusov rahbarligida OT-F8-125 shartnomasi bo‘yicha “Huquqiy demokratik davlat va fuqarolik jamiyatini barpo etishda nodavlat va jamoat birlashmalari rolining nazariy asoslari (Prezident I.A.Karimov asarlari asosida)” mavzusidagi fundamental ilmiy tadqiqot loyihasi bo‘yicha ishlari olib borilib, o‘quv-uslubiy qo‘llanmalar, ilmiy to‘plamlar ilmiy-tadqiqot nashr qilindi. 2010 yil 26 noyabrda “Fuqarolik jamiyatini barpo etishda va barkamol avlodni voyaga yetkazishda nodavlat va jamoat birlashmalarining roli” mavzusida xalqaro ilmiy-amaliy anjuman o‘tkazildi. Kafedra professori K.A.Yunusov rahbarligida 2007-2015 yillarda “Milliy g‘oya-ilmiy tadqiqotlarning nazari metodologik asosi” nomli ilmiy seminar faoliyat ko‘rsatdi. Shu davr oralig‘ida seminar mavzusi doirasida 4 ta ilmiy to‘plam nashr qilindi xalqaro va respublika ilmiy-amaliy anjumanlari o‘tkazildi. 2014–2015 o‘quv yilida professor F. Yuldasheva rahbarligida “O‘zbekistonda modernizasiya jarayonida yoshlarda innovasion ong shakllanishi” mavzusidagi KA-1-004 fundamental ilmiy loyihasi amalga oshirildi (moliyalashtirish miqdori – 32 million so‘m). Shuningdek, 2015–2017 yillarda professor L. Qurbonova rahbarligida “Siyosiy mentalitet va ijtimoiy jarayonlar dialektikasi mexanizmini tadqiq etish” mavzusidagi grant loyihasi ham amalga oshirildi. 2020–2025 yillarda Andijon davlat universiteti huzurida PhD 03/30.06.2020.Fal.60.04 raqamli “Falsafa” ixtisosligi bo‘yicha ilmiy darajalar beruvchi Ilmiy kengash faoliyat ko‘rsatib, uning faoliyatiga kafedra professori K.Yunusov, F.Yuldashevalar raislik qildilar. Ushbu davr oralig‘ida ushbu Ilmiy kengashda 20 dan ortiq talabgorlarga falsafa doktori dissertatsiyalarini muvaffaqiyatli himoya qildilar. 2016, 2018, 2019 yillarda “O‘zbekiston ijtimoiy hayotining modernizatsiyalashuv jarayoni va uning amal kilish xususiyatlari” mavzusidagi Respublika ilmiy-amaliy anjumanlari o‘tkazildi. 2023 yilning 18-20-sentyabrida Turkiya Respublikasining “Akademik ishlar guruhi” xalqaro ilmiy markazi bilan hamkorlikda “Hamkorlik – jamiyatni modernizatsiya va rivojlantirishning asosi sifatida” mavzusida xalqaro ilmiy-amaliy anjuman o‘tkazildi. Anjumanda Turkiya, Hindiston, Rossiya, AQSH, Pokiston, Malayziya, Germaniya, Kongo Demokratik Respublikasi, Qozog‘iston, Qirg‘iziston davlatlari yetakchi oliy ta’lim muassasalarining yetakchi olimlari to‘g‘ridan-to‘g‘ri va elektron platformalar orqali bevosita ishtirok etdilar. Kafedra a’zolari o‘zlarining bilim va malakalarini ma’ruza, amaliy mashg‘ulotlar, nazorat ishlarini o‘quv-uslubiy jihatdan yuqori saviyada olib borish bilan birgalikda, Prezidentimiz Sh.M. Mirziyoyev boshchiligida mamlakatimizda olib borilayotgan iqtisodiy, ijtimoiy-siyosiy islohotlarni, milliy g‘oya tamoyillarini targ‘ibot va tashviqot orqali talaba yoshlarga va keng xalq ommasiga yetkazishga xolisona hissa qo‘shib kelmoqdalar. Shu bilan birgalikda kafedrada talabalarning ilmiy-tadqiqot ishlarini rivojlantirishga alohida e’tibor qaratib kelinmoqda. Iqtidorli talabalardan Muxtorov Otabek kafedra dotsenti M.Yunusovaning ilmiy raxbarligida “Globallashuv sharoitida axborot psixologik xafsizlikni shakllantirish masalalari” mavzusida ilmiy tadqiqot ishlari olib borib, 2010-2011 o‘quv yilida Navoiy nomidagi davlat stependiyasiga sazovor bo‘ldi. Tarix fakulteti talabasi Xojiyev Shoxboz kafedra katta o‘qituvchisi X.Xo‘jamberdiyevning ilmiy rahbarligida “O‘zbekistonda madaniy meros obyektlari” mavzusida faol ilmiy-tadqiqot ishlarini olib borib, 2017-2018 o‘quv yilida “Islom Karimov” nomli davlat stipendiyasiga sazovor bo‘ldi. Shuningdek, kafedrada “Jamiyat fidoiylari” to‘garagi muntazam faoliyat olib bormoqda. To‘garaklarda 40 dan ortiq iqtidorli talabalar turli dolzarb mavzularda ilmiy izlanishlar olib borib, respublika va halqaro anjumanlarida ilmiy maqola va tezislari bilan ishtirok etmoqdalar. Kafedra jamoasi tomonidan olib borilgan ma’naviy-marifiy ishlar ham taxsinga loyiq.

Kafedrada o‘qitiladigan fanlar