O‘zbek adabiyotshunosligi

KAFEDRA HAQIDA:

O‘zbek adabiyotshunosligi kafedrasi dastlab 1936-yilda Andijon davlat kechki pedagogika institutida O’zbek adabiyoti bo’limi sifatida tashkil qilingan. 1941-yildan boshlab kafedrada taniqli shoir Sulton Jo’ra, yozuvchi Asqad Muxtor, o’qituvchilardan Oftobxon Xolbotirova, Mirposhsha habibov, Fatxiddin Is’hoqov, Ibodatxon Ziyayeva, Hoshimjon Razzaqov, Bahodir G’ulomov, Vosit Sadulla, Nabijon Qobulov, Tal’at MAhmudov, Abdulaziz Abdulhamidov, To’lqin Yo’ldashev, Tursunoy Sodiqova, Munavvara Yoqubbekova kabi taniqli insonlar faoliyat yuritdilar. Tarixda O’zbek adabiyoti, O’zbek tili va adabiyoti kabi nomlar bilan yuritilgan, ayni paytdagi O’bek adabiyotshunosligi nomli kafedraga turli yillarda Asqad Muxtor, Rajab Jumaniyozov, Hoshimjo Razzoqov, G’olima Musina, Ismoiljon To’lakov, Abdulahad Jo’raxonov, Hanifa Solihova, Salima Mirzayeva, A’zamjon Hamraqulov, Halimjon Karimov kabi olimlar mudirlik qilganlar. O‘zbek adabiyotshunosligi kafedrasida 60230100-Filologiya va tillarni o‘qitish: o‘zbek tili, bakalavr ta’lim yo‘nalishida hamda 70230104 – Adabiyotshunoslik (o'zbek adabiyoti), 70230103 – Folklorshunoslik va  dialektologiya mutaxassisligi bo‘yicha magistrlar tayyorlanmoqda. 2019-yildan hozirgi paytgacha O‘zbek adabiyotshunosligi kafedrasiga filologiya fanlari bo’yicha falsafa doktori Mamajonov Zokirjon Ahmadjonovich mudirlik qilmoqda.  Shuningdek, kafedrada 6 nafar filologiya fanlari doktori, professorlar, 9 nafar filologiya fanlari nomzodi hamda filologiya fanlari bo‘yicha falsafa doktorlari va dotsentlar faoliyat olib bormoqdalar. Kafedra a’zolari tomonidan shu paytgacha bir qancha darsliklar, o’quv qo’llanmalar, monografiyalar va ilmiy maqolalar e’lon qilingan. Kafedra professor-oqituvchilaridan 7 nafari O’zbekiston yozuvchilar uyushmasi, 2 nafari O’zbekiston jurnalistlar uyushmasi a’zolaridir.