Andijon davlat universitetida talabalarning darsdan tashqari bo‘sh vaqtlarini mazmunli tashkil etish, yoshlar orasida kitobxonlik madaniyatini rivojlantirish hamda ifodali o‘qish ko‘nikmalarini oshirish maqsadida “So‘z sehri” ma’naviy-ma'rifiy va ijodiy to‘garagi faoliyat olib bormoqda.
Bugun, 26-noyabr kuni talabalar turar joyida to‘garak rahbari, Filologiya fakulteti o‘qituvchisi Ma’muraxon Otaxonova boshchiligida “Kitob – bilim kaliti, o‘qish – hayot yo‘li” mavzusida navbatdagi to‘garak mashg‘uloti bo‘lib o‘tdi.
Mashg‘ulot davomida talabalarga kitobning ahamiyati, o‘qishning shaxsiy va kasbiy rivojlanishdagi roli haqida ma’lumot berildi, ishtirokchilar qiziqarli muhokamalar va savol-javoblar orqali fikr almashdilar, shuningdek, ifodali o‘qish ko‘nikmalarini amalda mustahkamlashga qaratilgan mashqlar bajarildi.