Joriy yilning 17-19-oktabr kunlari Andijon davlat universitetida O’zMU, O’zbekiston Matematiklari Jamiyati va O’zRFA Matematika Instituti hamkorligida andijonlik atoqli matematik O’zRFA akademigi, Beruniy nomidagi davlat mukofoti sohibi No’mon Yunusovich Satimovning 80 yillik xotirasiga bag’ishlangan va har 10 yilda bir o’tkaziladigan “Boshqaruv, optimizatsiya va dinamik sistemalar – 2019” xorijiy olimlar ishtirokida Respublika ilmiy konferensiyasi bo’lib o’tdi.

Unda Malayziyadan 13 nafar, Rossiya Federatsiyasidan 4 nafar va Buyuk Britaniyadan 1 nafar sohaning yetuk olimlari bevosita ishtirok etdilar.

Bundan tashqari mahalliy OTMlar O’zMU, FarDU, NamDU, QDMI, TDPU, JizDU, SamDU kabi universitetlardan jami 50 dan ziyod olimlar bevosita ishtirok etdilar.

Konferensiyaning birinchi kuni ishtirokchilarning ro’yxatga olinib, konferensiyaning yalpi majlisi o’tkazildi. Unda rossiyalik va Buyuk Britaniyaning Laffboro universitetidan M.B.Ruziboevlar ilmiy ma’ruzalar qildilar. O’zbekistonlik ishtirokchilardan konferensiya raisi Akademik A.Azamov ilmiy ma’ruza qildi.

Kunning ikkinchi yarmida konferensiyaning ochilish marosimi o’tkazildi. Unda viloyat hokimining yoshlar masalalari bo’yicha o’rinbosari O’tkirbek Shukurov hamda universitet rektori, professor Akromjon Yuldashevlar ishtirok etdilar va nutq so’zladilar. Ochilish marosimida Malayziyalik mehmonlarga ham so’z berildi. Konferensiya uch tilda o’zbek, rus va ingliz tillarida o’tkazildi. Kechga yaqin konferensiya ishtirokchilariga Satimovlar oilasi tomonidan ehson oshi berildi.

Konferensiyaning ikkinchi kuni Fizika-matematika fakulteti binosida shoba yig’ilishlarida o’tkazildi. Jami beshta sho’ba tushlikka qadar ishladi. Shu kuni is’htirokchilar uchun shaharning diqqatga sayohat uyushtirildi.

Mehmonlar konferensiyaning tas’hkiliy jihatiga yuqori baho berdilar va mamnun bo’ldilar. Konferensiya materiallari chop etilib, ishtirokchilarga tezislar to’plami, turli sovg’alar ulashildi.

Konferensiya o’tkazishdagi amaliy yordamlari uchun universitetimiz rektorati hamda fakultetimiz dekanatiga chuqur minnatdorlik bildiraman. 

Xalqaro konferensiyada ishtirok etgan xorijiy mamlakatlardan tashrif buyurgan olimlar

Konferensiya materiallarini yuklab olish: In English, O'zbekcha