Shahrixon agrosanoat texnikumi 1999-yilda tashkil topgan bo‘lib, Shahrixon tumani Buvaydo MFY Chinobod ko‘cha 3-uyda joylashgan. Texnikumning umumiy yer maydoni 1.38 ga bo‘lib, shundan ekin maydoni 0.5 ga teng.

Texnikum direktori Habibullayev Otabek Abdumalikovich. Texnikumda 1999-yildan buyon qariyb 18 xildagi kasb va 100 dan ortiq ixtisosliklar bo‘yicha mutaxassislar tayyorlanib kelinmoqda. Jumladan, “Huquqiy xo‘jalik faoliyati”, “Avtomobillarga texnik xizmat ko‘rsatish bo‘yicha texnik- mexanik”, “Jismoniy tarbiya va sport faoliyati”, “Qishloq xo‘jaligi mexanizatsiyasi”, “Agronomiya”, “Tikuv va tikuv trikotaj buyumlarini ishlab chiqarish texnik-texnologi”, “Fermer xo‘jaligini tashkil etish va yuritish”, “Maktabgacha ta’lim muasssasalari tarbiyachisi”, “Buxgalteriya hisobi va audit”, “Kompyuter injiniringi” kabi yo‘nalishlar bo‘yicha o‘quvchilar o‘qitib kelinmoqda.

Texnikumda o‘quvchilar uchun jahon standartlariga mos 24 ta maxsus fan auditoriyalari mavjud Yaponiya hukumati hamda mahalliy byudjet mablag‘lari hisobidan:

1. Chilangarlik jihozlari;

2. Qishloq ho‘jaligi mexanizatsiyasi jihozlari;

3.Avtomobillarga texnik xizmat ko‘rsatish jihozlari bilan ta’minlangan.

Shuningdek, sport zali, oshxona, tashqi futbol maydoni, voleybol, basketbol, faollar zali mavjud. Texnikumning kutubxona fondida umumta’lim fanlaridan 7155 dona, maxsus fanlardan 6265 dona, badiiy adabiyotlardan 603 dona, ijtimoiy-siyosiy adabiyotlardan 129 dona, elektron darsliklardan 63 dona va boshqa adabiyotlardan 158 dona hamda 1 to‘plam zamonaviy texnik vositalar bilan jihozlangan 60 o‘rinli o‘quv zali mavjud. Kutubxonadagi barcha kompyuterlar optik tolali internet tarmog‘iga ulangan.

Hozirda texnikumda 5 ta yo‘nalishda talabalarga kasbga o‘rgatish sirlari o‘rgatib kelinmoqda, jumladan:

5.51.05.01 - Avtomobil transportiga texnik xizmat ko‘rsatish va ta’mirlash;

5.32.06.01 - Kompyuter injiniringi;

5.63.01.01 - Buxgalteriya hisobi va audit;

5.62.01.01 - Qishloq xo‘jaligini mexanizatsiyalash va servisi texnik-texnologi;

5.83.01.01 - Ekologiya va atrof-muhitni himoya qilish.