Izboskan agrosanoat texnikumi 2004-yilda tashkil topgan bo‘lib, Izboskan tumani Tinchlik MFY A.Navoiy ko‘cha 1-uyda joylashgan.

Hozirgi kunda texnikum direktori Mirzayev Akrambek Tolibjonovich. Texnikumda 2004-yildan buyon qariyb 16 xildagi kasb va 100 dan ortiq ixtisosliklar bo‘yicha mutaxassislar tayyorlab kelinmoqda. Jumladan, “Avtomobillarga texnik xizmat ko‘rsatish bo‘yicha texnik-mexanik”, “Avtomobillarni yig‘ish va sinash bo‘yicha texnik-mexanik”, “Qishloq xo‘jaligi mexanizatsiyasi”, “amaliy grafika rassomi”, “Tikuv va tikuv trikotaj buyumlarini ishlab chiqarish texnik-texnologi”, “Bino inshootlari arxitektori”, “Maktabgacha ta’lim muassasalari tarbiyachisi” kabi yo‘nalishlar bo‘yicha o‘quvchilar o‘qitib kelinmoqda. Ta’lim muassasasida professional salohiyatga ega rahbar va pedagog kadrlar shakllantirilgan. Pedagogik jamoa 25 dan ortiq oliy ma’lumotli pedagog-xodimlardan iborat bo‘lib, 2 nafar professor, 1 nafar dotsent, 6 nafar yetakchi o‘qituvchilar faoliyat yuritib kelmoqda.

Texnikumda o‘quvchilar uchun jahon standartlariga mos 65 ta maxsus fan auditoriyalari hamda 3 ta ustaxona mavjud. Mahalliy byudjet mablag‘lari hisobidan:

1. Chilangarlik ustaxonasi;

2. Tikuvchilik ustaxonasi;

3. Avtomobillarga texnik xizmat ko‘rsatish ustaxonasi ta’minlangan.

Shuningdek sport zal, oshxona, tashqi futbol, voleybol, basketbol, tennis maydonlari, faollar zali va kollej kutubxonasi 1 to‘plam zamonaviy orgtexnika vositalari bilan jihozlangan. Telefon liniyasi orqali “ZiyoNET” tarmog‘iga ulangan. 1443 nusxa umumkasbiy va maxsus fan darsliklari, 555 dan ortiq elektron darslik va yetarli darajada badiiy, ijtimoiy-siyosiy adabiyotlar mavjud.

Hozirda texnikumda 9 ta yo‘nalishda talabarga kasbga o‘rgatish sirlari o‘rgatib kelinmoqda jumladan:

5510501 - Avtomobil transportiga texnik xizmat ko‘rsatish va ta’mirlash;

5320601 - Kompyuter injiniringi;

5520101 - Veterinariya meditsinasi;

5310201 - Ekologiya va atrof-muhitni himoya qilish;

5830101 - Bino va inshootlar qurilishi;

5531001 - Kutubxonashunoslik;

5540201 - Yengil sanoat buyumlari konstruksiyasi va texnologiyasi;

5630101 - Buxgalteriya hisobi va audit;

5620101 - Qishloq xo‘jaligini mexanizatsiyalash va servisi texnik-texnologi.