Ijtimoiy iqtisodiyot fakulteti Andijon davlat universiteti rektorining 2015 yil 29 iyundagi 01-17/1 sonli buyrug‘i bilan tashkil etilgan. Fakultet dekani vazifasiga yuridik fanlar doktori, professor T.T.Madumarov tayinlangan. Fakultet tarkibiga “Milliy g‘oya, ma’naviyat asoslari va huquq ta’limi”, “Mehnat iqtisodiyoti va sotsiologiyasi”, “Pedagogika va psixologiya”, "Psixologiya (Faoliyat turlari bo‘yicha)", "Inson resurslarini boshqarish", "Mehmonxona ho‘jaligini tashkil etish va boshqarish", "Turizm (Faoliyat turlari bo‘yicha)" "Upravleniya biznesom" (Tomsk davlat universiteti Ekonomiki va menejment instituti (Rossiya) bilan qo‘shma dastur asosida) ta’lim yo‘nalishlari biriktirilgan. 
Fakultetda 11 nafar fan doktori, 16 nafari fan nomzodlari, 22 nafar katta o‘qituvchilar va 32 nafar assistentlar faoliyat ko‘rsatib kelmoqda. 

O`QUV JARAYONI 

Fakultetda bugungi kunda 5111600 - Milliy g‘oya, ma’naviyat asoslari va huquq ta’limi, 5110900 - Pedagogika va psixologiya, 5210200 - Psixologiya (Faoliyat turlari bo‘yicha), 5231600 - Inson resurslarini boshqarish, 5610200 - Mexmonxona ho‘jaligini tashkil etish va boshqarish, 5610300 - Turizm (Faoliyat turlari bo‘yicha) ta’lim yo‘nalishlari bo‘yicha zamon talablariga javob beradigan raqobatbardosh mutaxassis-kadrlar tayyorlanmoqda. Shuningdek, fakultetda 5A 110902. Pedagogika va psixologiya (o‘zbek), Ijtimoiy gumanitar fanlarni o‘qitish metodikasi (Ma’naviyat asoslari) (o‘zbek), Ijtimoiy gumanitar fanlarni o‘qitish metodikasi (Huquq ta’limi) (o‘zbek) va Monopoliyaga qarshi boshqaruv va raqobatni rivojlantirish (o‘zbek) mutaxassisligi bo‘yicha magistratura ham mavjud. 2020-2021 o‘quv yilida fakultetda bakalavriatda 883 nafar talaba va 12 nafar magistrantlar ta’lim olmoqdalar. 

TO`GARAKLAR FAOLIYATI 

Ijtimoiy iqtisodiyot fakulteti tarkibidagi kafedralarda bugungi kunda “Yosh iqtisodchi”, “Mafkuraviy immunitet”, “Ilmiy ijod”, “Yosh psixolog” fan to‘garaklari tashkil etilgan va ularga malakali professor-o‘qituvchilar rahbarlik qilmoqdalar. To‘garaklar 150 dan ortiq iqtidorli talabalarni o‘zida birlashtirgan bo‘lib, to‘garak a’zolari tegishli yo‘nalishlar bo‘yicha ilmiy-ijodiy faoliyat bilan shug‘ullanmoqdalar. To‘garak a’zolarining ilmiy tadqiqot ishlari natijalari universitetning “Andijon yoshlari” gazetasida, “ADU Ilmiy xabarnoma” jurnalida hamda turli to‘plamlarda chop etilmoqda. Har yili to‘garak a’zolari orasidan nomdor stipendiatlar va turli tanlov g‘oliblari yetishib chiqmoqda.
Pedagogika va psixologiya ta’lim yo‘nalishi iqtidorli talabalaridan 3-kurs talabasi Umarov Azizbek 2016 yilda Navoiy nomli Davlat stipendiyasi g‘olibligiga erishdi.

        MA`NAVIY-MA`RIFIY ISHLAR

Fakultetda 26 ta akademik guruhlarda 499 nafar talaba tahsil olmoqda. Barcha guruhlarda muntazam ravishda ma’naviy-ma’rifiy tadbirlar, turli kechalar, tanlovlar o‘tkaziladi. Fakultet jamoasi universitet, shahar, viloyat, respublika miqyosidagi ko‘plab ma’naviy-ma’rifiy, ilmiy-amaliy konferensiyalarda faol ishtirok etib kelmoqda. Xususan, fakultet iqtidorli talabalaridan tashkil etilgan “Andijon yoshlari” jamoasi “Tafakkur sinovlari” Respublika ko‘rik-tanlovi g‘olibi bo‘lib 1-darajali diplom bilan taqdirlandi.

FAKULTET KAFEDRALARI

 UMUMIY PSIXOLOGIYA KAFEDRASI 

Kafedra o‘zining boy va sharafli tarixiga ega. Z.M.Bobur nomidagi institut qoshida mustaqil faoliyat ko‘rsatuvchi pedagogik-psixologik fanlar seksiyasi ish boshlagan. Kafedrada A.Ardashirov, N.D.Nikitin, V.Makaevlar kafedraning ilk tarixiga aylangan professor-o‘qituvchilardir. Dastlab pedagogika va psixologiya yo‘nalishi kafedrasi birikuvida 1991 yilda ilmiy pedagogik faoliyat olib borgan bo‘lib, kafedraga  psixologiya fanlari nomzodi M.Mamajonov rahbarlik qildi.
Kafedrada yilma yil  tarkibi oshib, yosh pedagog xodimlar faoliyat  boshladilar. Keyingi yillardagi kafedra ilmiy hayotida katta o‘zgarishlar bo‘lib kafedra ukituvchilaridan M.Xalimova va T.Suleymanovalar ilmiy ishlarini yakunlab  nomzodlik dissertatsiyalarini ximoya kildilar.   Kafedra koshida psixologik xizmat va psixodiognostik markazlar tashkil etilib uning faoliyati viloyat mikyosidagi korxona va fukorolarni o‘z-o‘zini boshkaruv organlari bilan xamkorlikda shakllanib bordi. “Psixologik xizmat” markazi viloyatdagi ko‘plab ijtimoiy tashkilotlarga xizmat ko‘rsatdi. Jumladan, Andijon viloyati IIB bo‘limiga, Viloyat ta’lim boshqarmalariga, FXDYo bo‘limlariga, MFYlarga psixologik yordam ko‘rsatdilar.
Kafedra pedagog xodimlari o‘quv dasturlari, ma’ruza matnlari, o‘quv qo‘llanmalarini tayyorlash kafedramiz professor –o‘qituvchilarining asosiy maqsadi bo‘lib kelgan. M.Rustambekova “Oila psixologiyasi” fanidan ma’ruza matni, katta o‘qituvchilar T.Suleymanova “Defektologiya asoslari”, Yo.Yusupova «Umumiy psixologiya» va «Psixodiognostika va eksperimental psixologiya», G.Tojiboeva “Xuquq psixologiyasi” fanlaridan  ishchi o‘quv dasturi va   ma’ruza  matnlari tayyorlandi, ayrimlari nashriyot orqali chop etilgan.  
Kafedra a’zolari o‘zlarining ilmiy ma’ruzalari bilan juda ko‘plab xalqaro, regional, respublika miqyosida o‘tkaziladigan ilmiy anjumandlarda ishtirok etib keladi. Kafedra o‘zining yirik ilmiy yo‘nalishi “Shaxs shakllanishi va taraqqiyotining ijtimoiy-psixologik muammolari” bo‘yicha tadqiqot ishlarini amalga oshirib kelmoqda. 

Kafedraning istiqbolli rejalariga asosan: 

Talabalarda aqliy xarakatlarni shakllantirish;
Ta’lim oluvchilarni faollashtirish va jadallashtirish;
O‘qitish jarayonini samarali tashqil etish va boshqarish;
O‘quv materiallarini metodik takomillashtirish;
O‘quv materiallarini didaktik rekanstrutsiya qilish;
Dars jarayonini differensiyali o‘qitish texnologiyasi tashkil etish;
Xalq pedagogikasiga asoslangan texnologiyalardan foydalanish kabi dolzarb masalalarga e’tiborni karatish bilan birga  bilish faoliyatini tashkil etishda boshqarishning o‘ziga xos jixatlari kabi pedagogik jarayonni boshqarishning dolzarb nazariy va amaliy muammolarini amalga oshirish vazifalarini o‘z oldiga maqsad qilib qo‘yganlar

MILLIY G`OYA, MA`NAVIYAT ASOSLARI VA HUQUQ TA`LIMI KAFEDRASI 

1998 yil Universitetda Huquq va iqtisod fakulteti tashkil qilinib fakultet dekani S.Asqarov o‘z faoliyatini boshladi. Ushbu fakultet tashkil qilingandan so‘ng “Huquqshunoslik” kafedrasi tashki etildi. Ushbu yildan kafedra mudiri t.f.n. dots. B.Rasulov boshchilik qildi.

1999 yilda fakultet dekani S.Asqarov boshqa lavozimga o‘tganligi sababli fakultet dekani t.f.n., dots. B.Rasulov fakultet dekani hamda “Huquqshunoslik” kafedrasi mudiri lavozimlarida ishlab keldi.

“Milliy g‘oya, ma’naviyat asoslari va huquq ta’limi” kafedrasi 2005 yil noyabr oyida “Milliy istiqlol g‘oyasi: huquq va ma’naviyat asoslari” kafedrasi nomi bilan Pedagogika fakulteti negizida tashkil etilgan. 2011 yildan “Milliy g‘oya, ma’naviyat asoslari va huquq ta’limi” kafedrasi universitetning “Tarix va ijtimoiy fanlar” fakulteti tarkibida faoliyat ko‘rsatdi. 2015 yildan etiboran yangi tashkil etilgan “Ijtimoiy-iqtisodiyot” fakulteti tarkibiga kiritildi.

Kafedra tashkil etilgan yildan shu kunga qadar universitetning bir qator professor-o‘qituvchilari kafedra mudirligi lavozimida dastlab tarix fanlari doktori, dotsent B.M.Rasulov 2005-2006 yil, t.f.n.,dots O`.Ubaydullayev 2006-2009, t.f.n.,dots Sh.Asqarov 2009-2010, yu.f.n.,dots R.Imamov 2010-2015, yu.f.d.,prof T.Madumarov 2015-2019, t.f.n.,dots O`.Ubaydullayev 2019-2020, f.f.n.,dots L.A.Qurbonova 2020-2021 faoliyat olib borganlar. 2021 yildan boshlab kafedra Falsafan fanlari bo‘yicha falsafa doktori (PhD). v.b.dots. Sh.Q. Amirxo’jayev kafedra mudiri lavozimiga tayinlandi.

Hozirda kafedrada 22 nafar professor-o‘qituvchi faoliyat ko‘rsatib kelmoqda. Kafedra a’zolarining umumiy o‘rtacha yoshi 40 yosh bo‘lib, kelajakda kafedraning ilmiy salohiyati yanada yuksalishiga asos bo‘ladi. Hozirgi kunda kafedrada 4 nafar fan doktori va professorlar, 3 nafar dotsent, 3 nafar falsafa doktori (PhD), 9 nafar katta o‘qituvchi va 4 nafar o‘qituvchilar faoliyat ko‘rsatmoqda.

MG‘MAHT kafedrasi asosan jamiyatning ijtimoiy sohalari uchun 51111600 shifri bilan “Milliy g‘oya, ma’naviyat asoslari va huquq ta’limi” yo‘nalishi bo‘yicha bakalavr, 5A111601 shifri bilan “Ma’naviyat asoslari” hamda 5A111602 shifri bilan “Huquq ta’limi” magistratura mutaxassisliklaridan kadrlar tayyorlab kelmoqda.

FALSAFA KAFEDRASI  

YULDASHEVA FARIDA XUJAMKULOVNA
Kafedra mudiri. Falsafa fanlari doktori, professor.
Telefon: 0(374)2238389
E-pochta: adu_yuldasheva@edu.uz

“Falsafa” kafedrasida  universitetning barcha fakultetlari va yo‘nalishlari uchun  falsafa, etika, estetika, mantiq, madaniyatshunoslik, dinshunoslik, etnomadaniyat, tarix falsafasi va metodologiyasi,  ijtimoiy falsafa va boshqa fanlar o‘qitiladi. Kafedrada  1 nafar f.f.d., professor, 5  nafar f.f.n.,  dotsentlar faoliyat olib boradilar. Kafedrada F.Yuldasheva rahbarligida “O‘zbekistonda modernizatsiya jarayonlari va yoshlarda innovatsion ong shakllanishi” mavzusida  amaliy grant  loyihasi amalga oshirilmoqda.
Hozirda kafedrada “O‘zbekistonda modernizatsiya jarayonlari va   innovatsiyalar taraqqiyoti”  mavzusida respublika  ilmiy-amaliy konferensiyasining ilmiy to‘plami tayyorlanmoqda. 

IQTISODIYOT KAFEDRASI 

MARAIMOVA UMIDA ISMOILJANOVNA 
Kafedra mudiri. Iqtisod fanlari nomzodi.
Telefon: +998 91 614-00-53
E-pochta: umida_maraimova@gmail.com

Kafedra tuzilgan vaqti, buyruq raqami. Andijon davlat universitetining Ilmiy Kengashi qarori bilan 1995 yilning 30-iyun sanasida Tarix fakulteti tarkibida “Iqtisodiyot nazariyasi” kafedrasi tashkil etilgan.

Kafedraning qisqacha tarixi. Zaxiriddin Muxammad Bobur nomidagi Andijon davlat universitetining Ilmiy Kengashi qarori bilan 1995 yilning 30-iyun sanasida Tarix fakulteti tarkibida “Iqtisodiyot nazariyasi” kafedrasi tashkil etilgan. Kafedraning ilk mudiri sifatida jamoani boshqarishni iqtisod fanlari nomzodi, dotsent Me’rojxon Nizamovna Yusupova boshlagan. Dastlab tashkil etilgan davrda, jamoada iqtisod fanlari doktori, professor, O‘zbekistonda xizmat ko‘rsatgan o‘qituvchi Abdumajid Abdullaev, iqtisod fanlari doktori, professorlar Abdulxamid Xaitov, Olimjon Zokirov, iqtisod fanlari nomzodlari, dotsentlar Fazliddin Jalolov, Ulug‘bek Sobirov, Gulnoraxon Bozorova, Muxammadamin Oxunov, o‘qituvchilar Gulnora Nosirova, Ravshanbek Ergashev, Mutallibjon Akromov, Q.Aliev, Q.Asqarov, A.Isxoqov, Egamnazarovlar faoliyat yuritgan bo‘lsa, kafedrada safiga Nazira Yunusova, Nargiza Abdullaeva, Shuhratbek Kamolov, Qudratullo Xalilov, Muzaffar Sodiqov, Gayratbek Mamasoliev kabi keyingi yillarda jamoada tarbiyalangan yosh professor-o‘qituvchilar qo‘shildilar.

Kafedrani boshqarganlar. “Iqtisodiyot” kafedrasini dastlab iqtisod fanlari nomzodi, dotsent Me’rojxon Nizamovna Yusupova (1995-2003 yy.), keyingi yillarda iqtisod fanlari nomzodi, dotsent Nodirbek Ibragimovich Asqarov (2003-2008 yy.), iqtisod fanlari nomzodi, dotsent Shuxrat Alimovich Zokirov (2008-2012 yy.), iqtisod fanlari nomzodi, dotsent Dilshodbek Nabievich Nurmatov (2012-2018 yy.) boshqargan bo‘lsa, 2018 yildan boshlab hozirgi kungacha iqtisod fanlari nomzodi, dotsent Umidaxon Ismailjanovna Maraimova kafedra mudiri sifatida faoliyat ko‘rsatmoqda.

Kafedraning moddiy-texnik bazasi. “Iqtisodiyot” kafedrasi Andijon davlat universtetining asosiy kampusining 1000–o‘rinli binosi V blogi 4-qavatida joylashgan bo‘lib, professor-o‘qituvchilar uchun 2 ta xona, talabalarga mashg‘ulotlar olib borishga mo‘ljallangan 4 ta auditoriyaga ega. Xar bir aidutoriyada 1 tadan televizor, 1 tadan video-proektor mavjud. Bundan tashqari, kafedra ixtiyorida 1 ta “Aqlli” elektron monitor, uzluksiz internet tarmog‘iga ulangan 3 ta kompyuter jamlamasi, 3 ta printer mavjud. Shuningdek, kafedrada faoliyat ko‘rsatayotgan har bir professor-o‘qituvchining o‘z zamonaviy shaxsiy kompyuteri mavjud bo‘lib, ularning barchasi uchun WiFi tarmog‘iga ulanish orqali universitetning istalgan xududida uzluksiz internetdan foydalanish imkoniyati yaratilgan. Bundan tashqari, fakultet ixtiyoridagi 210-auditoriyada joylashgan 20 ta kompyuterdan iborat kompyuter sinfi mavjud.

Ilmiy salohiyat va ilmiy faoliyat. Iqtisodiyot kafedrasida 4 nafar fan doktori, professorlar (i.f.d. A.Abdullaev, i.f.d. N.Asqarov, i.f.d. A.Haitov, i.f.d. I.Umarov), 10 nafar fan nomzodi, dotsentlar (D.Nurmatov, M.Yusupova, A.Abitkariev, U.Maraimova, U.Sotvoldiev, M.Axunov, X.Qo‘chqarov, Sh.Zokirov, B.Mo‘ydinov, RhD M.Karimov), 7 nafar katta o‘qituvchi va 3 nafar o‘qituvchilar faoliyat ko‘rsatib kelmoqda.

Kafedraning ilmiy tadqiqot mavzusi - “Iqtisodiyotni raqamlashtirish sharoitida kadrlarni boshqarish mexanizmini takomillashtirishning nazariy va amaliy muommolari” bo‘yicha amaliy tadqiqot loyihasi bajarilmoqda.

Ilmiy-tadqiqot ishlar: Universitetda faoliyat ko‘rsatayotgan 08.00.13-“Menejment” ixtisosligi bo‘yicha tayanch doktoranturada doktorantlar Sh.Kamolov, M.Abdullaev, S.Rustamova, B.Ro‘zimov, D.Sarimsaqov, U.Xamraqulov, shuningdek mustaqil tadqiqotchilar Z.Xusanova, G‘.Mamasoliev, M.Raxmonovlar tomonidan ilmiy izlanishlar olib borilmoqda.

Kafedrada faoliyat ko‘rsatayotgan ilmiy tuzilmalar. Kafedrada Andijon davlat universiteti xuzuridagi PhD.03/30.12.2019.I.60.03 rakamli ilmiy kengash, Andijon davlat universiteti xuzuridagi PhD.03/30.12.2019.I.60.03 08.00.13-Menejment ixtisosligi buyicha rakamli ilmiy seminar, 08.00.13 -«Menejment» ixtisosligi buyicha malakaviy imtixon kabul kilish komissiyasi ishlab turibdi.

Kafedra professorlari N.Asqarov, A.Xaitov hamda A.Abdullaevlar mamlakatimizdagi bir qancha ilmiy kengash va seminarlarda faoliyat yuritayotgan bo‘lsa, I.f.d. I.Umarov TRANS Asian Journal of Marketing & Management Research (TAJMMR) (ISSN: 2279-0667) (Impact Factor: SJIF 2020 =7.209) kabi xorijiy jurnallarning tahririyat a’zoligiga qabul qilingan.

Kafedrada qoshida 2021 yil 1 yanvardan “Iqtisodiyot va menejment” elektron ilmiy jurnali o‘z faoliyatini boshladi. 2018 yildan buyon xar yilda 2 marta, oktabr va may oylarida turli mavzularda xalqaro ilmiy-amaliy konferensiyalar o‘tkazib kelinmoqda.

O‘quv jarayoni: Iqtisodiyot kafedrasida 4 nafar fan doktori, professorlar, 10 nafar fan nomzodi, dotsentlar, 7 nafar katta o‘qituvchilar va 3 nafar o‘qituvchilar tomonidan bakalavriat yo‘nalishlariga 39 ta, magistratura mutaxassisliklari uchun 15 ta, qo‘shma dastur talabalariga 12 ta fan bo‘yicha ma’ruza, amaliy, seminar va laboratoriya mashg‘ulotlari olib borilmoqda.

Kafedrada 2020-2021 o‘quv yilidan boshlab quyidagi darajalarda ta’lim berish yo‘lga qo‘yilgan:

Bakalavriat yo‘nalishlari:

5231600 – “Inson resurslarini boshqarish” (mehnat iqtisodiyoti va sotsiologiyasi) - 25 ta qabul qilinadi va 3 ta davlat granti 22 ta shartnoma asosida.

5610300- “Turizm (faoliyat turlari bo‘yicha)” - 25 ta qabul qilinadi va 5 ta davlat granti 20 ta shartnoma asosida.

5610200 – “Mexmonxona xo‘jaligini tashkil etish va boshqarish” - 25 ta qabul qilinadi va 5 ta davlat granti 20 ta shartnoma asosida.

Qo‘shma dastur (bakalavriat):

Rossiya Federatsiyasining Tomsk davlat universiteti bilan hamkorlikda “Upravlenie biznesom” – 30 ta qabul qilinadi.

Magistratura mutaxasisligi:

5A230108. “Monopoliyaga qarshi boshqaruv va raqobatni rivojlantirish” (o‘zbek) 6 ta qabul qilinadi va 2 ta davlat granti 4 ta shartnoma asosida.

Tayanch doktorantura:

“08.00.13-Menejment” ixtisosligi bo‘yicha tayanch doktorantlar tayyorlab kelinmoqda.

Kafedrada grantlar bilan ishlash holati. Kafedrada TuCAHEA (Markaziy Osiyoda oliy ta’lim maydonini yaratish: tarkibiy adaptatsiya (Tuning) va ta’lim sifatini oshirish), Xalqaro grant ERASMUS+ dasturi bo‘yicha Praga universiteti (Chexiya Respublikasi) bilan hamda “Enhancing capacities in implementation of institutional quality assurance systems and typology using Bologna process principles (IQAT)” hamda “Key Action 1- Mobility for learners and staff” yo‘nalishi bo‘yicha Italiyaning Piza universiteti bilan hamkorlik yo‘lga qo‘yilgan.

Shuningdek, kafedra professor-o‘qituvchilari quyidagi davlat grantlarida:

• O‘zbekiston Respublikasi Oliy Majlisi huzuridagi Parlament Komissiyasining № 28-03 sonli Davlat granti asosida “Bitiruvchi talaba va o‘quvchi yoshlarda biznesga oid bilim va tadbirkorlik ko‘nikmalarini rivojlantirish bo‘yicha seminar-treninglar tashkil etish” mavzusidagi loyihasi, (Muddati: Avgust 2014-Aprel 2015 yil.)

• O‘zbekiston Respublikasi Oliy Majlisi huzuridagi Parlament Komissiyasining № 44-13/94 sonli Davlat granti asosida “O‘zbekiston – tinchlik, barqarorlik, ezgulik va xotirjamlik diyori” mavzusidagi loyihasi, (Muddati: Sentabr 2016-Sentabr 2017 yil.) ishtirok etgan bo‘lsalar,

• hozirda i.f.d. I.Umarov O‘zbekiston Respublikasi Iqtisodiy taraqqiyot va kambag‘allikni qisqartirish vazirligi xuzuridagi Prognozlashtirish va makroiqtisodiy tadqiqotlar institutida PZ-20200125 shifrli “Sanoat korxonalarining innovatsion salohiyatini baholashning milliy reyting tizimini ishlab chiqish” grantida ishtirok etmoqda.

Kafedrada xorijda malaka oshirish holati. “Iqtisodiyot” kafedrasi professor-o‘qituvchilarining xorijiy OTMlarida o‘tkazgan malaka oshirish va stajirovkalari to‘g‘risida ma’lumot

Kafedrada iqtidorli talabalar bilan ishlash va to‘garaklar faoliyati. Kafedra professori A.Abdullaevning ilmiy rahbarligida 1996-1997 yil “Sharqshunos-iqtosodchi” yo‘nalish talabasi Asqarov Nodirbek “Prezident stipendiyasi” sovrindori bo‘ldi. 2005-2006 o‘quv yilida “Makroiqtisodiyot” ta’lim yo‘nalishi talabasi Quronboev Davronbek “Navoiy” stipendiyasi (ilmiy rahbar: Sh.Kamolov), 2006-2007 o‘quv yilida Makroiqtisodiyot ta’lim yo‘nalishi talabasi Mamatqulova Saida “Navoiy” stipendiyasi (ilmiy rahbar: N.Asqarov) sovrindori, “Mehnat iqtisodiyoti va sotsiologiyasi” ta’lim yo‘nalishi talabasi Ulug‘bek Mirsaydullaev (ilmiy rahbar: Z.Xusanova) 2017-2018 o‘quv yili uchun o‘tkazilgan “Yoshlar ittifoqi stipendiya” tanlovi sohibi bo‘ldilar. Iqtidorli talabalar “Taffakkur sinovlari” ko‘rik tanlovini respublika bosqichida ishtirok etib, 2016 yilda 1- o‘rinni, 2017 yilda esa faxrli 3- o‘rinni egalladi. 2018 yilda yana respublika bosqichiga yo‘llanmani qo‘lga kiritdilar. Kafedrada “Yosh iqtisodchi”, “Yosh menejer” fan to‘garaklari muntazam ravishda faoliyat ko‘rsatmoqda.

“Mehnat iqtisodiyoti va sotsiologiyasi” ta’lim yo‘nalishining 2016-2018 yilgi bitiruvchilari N.Saidmurodov, F.Raimjonov, Sh.O‘rinboev, Sh.Sirojiddinov, Sh.Abdullajonov kabi talabalari AQSh va Janubiy Koreyaning nufuzli universitetlarida magistratura darajasini olish uchun grant olib, o‘qishni davom ettirmoqdalar. 2020 yilda “Mehnat iqtisodiyoti va sotsiologiyasi” 3 kurs talabasi Nodira Tursunova AQSh davlat departamentining UGRAD dasturi finalistiga aylanib, AQShning Keene College OTMda 5 oylik talaba almashinuv dasturida ishtirok etdi.

Hamkorlik aloqalari. Kafedra ilmiy va o‘quv sohalarida respublikadagi yetakchi OTMlar, jumladan: Toshkent davlat iqtisodiyot universiteti, Toshkent moliya instituti, O‘zbekiston Milliy universiteti, Andijon iqtisodiyot va qurilish instituti, Farg‘ona davlat universiteti, Namangan iqtisodiyot va muxandislik instituti, Xorijiy universitetlardan Italiyaning Piza universiteti, Rossiyaning Tomsk davlat universiteti, Qirg‘iziston Respublikasining O‘zbek-Qirg‘iz universiteti, Chexiyaning Praga universiteti, Xindistonning Jaypuriya menejment universiteti kabi OTM bilan hamkorlik munosabatlari o‘rnatilgan.