O`zbekiston Respublikasi Prezidentining 05.06.2018 yildagi “Oliy ta`lim muassasalarida ta`lim sifatini oshirish va ularning mamlakatimizda amalga oshirilayotgan keng ko`lamli islohotlarda faol ishtirokini ta`minlashga doir qo`shimcha chora-tadbirlar to`g`risida”gi PQ-3775-son qaroriga asosan”, Andijon davlat universiteti bakalavriatiga chet ellik abituriyentlar kvotadan tashqari, test sinovlarisiz suhbat asosida qabul qilinadi.

Andijon davlat universitetida o`qish shartnomasi fakultetda taqdim etilgan hujjatlar tekshirilgandan so`ng tuziladi va butun o`qish davri uchun amal qiladi. O`qishga qabul qilish to`g`risidagi buyruq shartnoma tuzilib, 1 yil davomida ta`lim olish uchun belgilanga 12 300 000 so`m miqdorini 50 foizini to`langanidan so`ng beriladi.

Chet el fuqarolariga vizalar va viza taklifnomalarini berish va turar joy uchun vaqtinchalik ro`yxatdan o`tkazish oliy ta`lim muassasasining O‘zbekiston Respublikasi Oliy Ta’lim, Fan va Innovatsiyalar Vazirligi bilan o`zaro kelishuvi asosida amalga oshiriladi va O`zbekiston Respublikasi Tashqi ishlar vazirligiga taqdim etiladi. Xorijiy fuqarolarga vizalar nomzod istiqomat qilayotgan mamlakatdagi O`zbekiston Respublikasining elchixonasi yoki konsulligi tomonidan berilishi mumkin.

Universitetning xalqaro hamkorlik bo`limi chet ellik talabalar, universitet mehmonlari va chet ellik o`qituvchilarga viza olish uchun taklifnomalar rasmiylashtirishda yordam beradi.

Andijon davlat universitetiga kirish uchun chet el fuqarolari quyidagi hujjatlarni taqdim etishlari lozim:

• rektor nomiga yozilgan ariza;

• pasport nusxasi;

• agar mavjud bo`lsa, so`nggi viza va ro`yxatga olish hujjatining nusxasi;

• ta`lim to`g`risidagi hujjatning asl nusxasi va uning rus tiliga tarjimasining tasdiqlangan varianti;

• chet tilini bilish sertifikati, agar mavjud bo`lsa (IELTS, TOEFL)

• 3x4, 8 dona fotosuratlar;

Qo`shimcha ma`lumot uchun:

Tel: +998935335546 (o`zbek)

+998889988122 (ingliz)

+998906266210 (rus)

E-mail: ird@adu.uz