Yurtboshimiz Shavkat Mirziyoyev tashabbusi bilan OTM muassasalarida ta’lim tizimini takomillashtirish, ta’lim sifatini yaxshilash, oliy ta’limda ilm-fanni yanada rivojlantirish,talaba yoshlarning bilim va intellektual salohiyati oshirish maqsadida turli master klasslar hamda professor o’qituvchilarning ilmiy-tadqiqot faoliyati samaradorligi va natijadorligini oshirish, iqtidorli talaba–yoshlarni ilmiy faoliyat bilan shug’ullanishga jalb etish kabi ustuvor vazifalarni ko’zlovchi ko’plab qaror va farmonlar ishlab chiqilib amalga oshirilmoqda.

Shu kabi ishlarning amaliy isboti sifatida kuni kecha universitetimizga hozirgi o’zbek tili va adabiyotining zabardast vakillari buyuk olimlar Yormat Tojiyev va Omonullo Madayevlar tashrif buyurdilar. Ustozlarni Filologiya fakulteti dekani dotsent B.Rahmonov, O’zbek adabiyoti kafedrasi mudiri dotsent H.Karim, O’zbek tilshunosligi kafedrasi mudiri professor D.Nabiyevalar kutib oldilar. Uchrashuv davomida ular talabalar uchun maxsus darslar tashkillashtirib, ularga kerakli ma’lumotlar berdilar va talabalarni qiziqtirayotgan savollarga javob berib, ularni bugungi kun tili va adabiyotining eng muhim masalalari va bilan tanishtirib o’tdilar. Amlaga oshirilgan darslar va ustozlar o’giti natijasida talabalarning ilmiy va ma’naviy bilimlari yanada oshdi.