Ijtimoiy-iqtisodiyot fakulteti
|
Fakultet dekani biografiyasi:
Yuridik fanlari doktori, professor. Jami 2 ta darslik, 2 ta monografiya, 10 dan ortiq o‘quv qo‘llanma 12 ta o‘quv - uslubiy qo‘llanma, 10 dan ortiq xorijiy maqolalari, 170 dan ortiq tezis va ilmiy maqolalar (shundan 20 tasi OAK e’tirof etgan jurnallarda) muallifi.
U 2000-2004-yillarda Andijon davlat universiteti Huquqshunoslik fakulteti talabasi, 2004-2006-yillarda O‘zbekiston Milliy universitetining «Huquqshunoslik» mutaxassisligi bo‘yicha magistraturada tahsil olgan. 2006 yilda O‘zbekiston milliy universiteti «Huquqshunoslik» mutaxassisligi bo‘yicha magistraturadagi o‘qishni imtiyozli bitirgan. T.Madumarov magistraturani muvaffaqiyatli tugatganligi sababli yo‘llanma bilan O‘zbekiston Fanlar akademiyasi I.Mo‘minov nomidagi Falsafa va huquq instituti aspiranturasiga yuborilgan. U 2006-2009 yillarda aspirantura bosqichida “Mikrokredit tashkilotlarining fuqarolik huquqiy maqomi” mavzusidagi “12.00.03” ixtisosligi bo‘yicha nomzodlik dissertatsiyasini tayyorladi.
2010 yil 28 mayda O‘zbekiston Respublikasi Adliya vazirligi TDYU qoshidagi D 016.15.02 raqamli ixtisoslashgan kengashda “Mikrokredit tashkilotlarining fuqarolik huquqiy maqomi” mavzusidagi nomzodlik dissertatsiyasini muvaffaqiyatli himoya qildi.
2010-2012 yillarda O‘zbekiston Respublikasi Fanlar akademiyasi I.Mo‘minov nomidagi Falsafa va huquq instituti katta ilmiy hodimi lavozimida ishladi. 2012 -2015 yillarda Andijon davlat universiteti Milliy g‘oya, ma’naviyat asoslari va huquq ta’limi kafedrasi dotsenti, 2015 yilning 26 yanvaridan buyon mazkur kafedra kafedrasi mudiri lavozimida ishlab kelmoqda.
T.T.Madumarov 2019 yilning 9 aprelida O‘zbekiston Respublikasi Milliy gvardiyasi Harbiy-texnik instituti huzuridagi Ilmiy darajalar beruvchi DSc30.08.2018.Yu.74.01 raqamli Ilmiy kengashda 12.00.03. – Fuqarolik huquqi. Tadbirkorlik huquqi. Oila huquqi. Xalqaro xususiy huquq ixtisosligi bo‘yicha yuridik fanlar doktori (DSc) ilmiy darajasini olish uchun “Mikrokredit tashkilotlarining faoliyatini fuqarolik-huquqiy tartibga solish” mavzusidagi yozilgan dissertatsiyasini muvaffaqiyatli himoya qildi. Bundan tashqari 30 sentabrda OAKning talablarini bajargan holda 12.00.03. – Fuqarolik huquqi. Tadbirkorlik huquqi. Oila huquqi. Xalqaro xususiy huquq ixtisosligi bo‘yicha Professorlik ilmiy unvonini olishga sazovor bo‘ldi.
2015 yildan 2019 yilning oktabr oyiga qadar Andijon davlat universiteti «Milliy g‘oya, ma’naviyat asoslari va huquq ta’limi» kafedrasi mudiri lavozimida ishlamoqda. T.T.Madumarov kafedra mudiri bo‘lib ishlagan davrida ham o‘zining tashkilotchiligini ko‘rsata oldi. Kafedra qoshida 2 ta ilmiy to‘garak tashkil etib, 100 dan ortiq talabani huquqshunoslik faniga qiziqtira oldi. Professor - o‘qituvchilar bilan doimo samimiy aloqada. T.T.Madumarov bevosita tashkilotchiligida 10 ta ilmiy-amaliy konferensiya o‘tkazildi, shundan 4 tasi respublika miqiyosida o‘tkazilib, anjuman materiallari to‘plam holida chop etildi.
T.T.Madumarovni 30 dan ortiq ilmiy tadqiqot izlanishlari olib borayotgan yoshlarga ustozlik qilmoqda. 20 nafardan ziyod iqtidorli talabalarni ilmiy izlanishlariga rahbarlik qilmoqda. Uning rahbarligida Milliy g‘oya, ma’naviyat asoslari va huquq ta’limi yo‘nalishi 4 kurs talabasi S.Jumaev 2018 yil may oyida O‘zbekiston Jaxon iqtisodiyoti va diplomatiyasi universitetida Huquqshunoslik bo‘yicha o‘tkazilgan respublika fan olipiadasida faxrli 3 o‘rinni egalladi. Kafedraning iqtidorli talabalar “Taffakkur sinovlari” ko‘rik tanlovini respublika bosqichida ishtirok etib, 2016 yilda 1- o‘rinni, 2017 yilda esa faxrli 3 o‘rin, 2018 yilda 3 o‘rinni egalladi. 2019 yilda yana respublika bosqichiga yo‘llanmani qo‘lga kiritdi.
MEHNAT FAOLIYATI:
2000-2004 yy. Andijon davlat universiteti talabasi
2004-2006 yy. O‘zbekiston Milliy universiteti magistranti
2006-2009 yy. - O‘zbekiston Respublikasi Fanlar akademiyasi Falsafa va huquq instituti aspiranti
2010 -2012 yy. - O‘zbekiston Respublikasi Fanlar akademiyasi Falsafa va huquq instituti kichik ilmiy xodimi
2012 - 2013 yy - O‘zbekiston Respublikasi Adliya vazirligi Toshkent davlat yuridik instituti katta ilmiy xodimi, grant ijrochisi
2013-2015 yy. Andijon davlat universiteti katta o‘qituvchisi
2015-2019 yy. – Andijon davlat universiteti ijtimoiy-iqtisodiyot fakulteti milliy g‘oya, ma’naviyat asoslari va huquq ta’limi kafedrasi mudiri
2019 y. - h.v. Andijon davlat universiteti ijtimoiy-iqtisodiyot fakulteti dekani