Andijon davlat universiteti Boshlang’ich ta’lim va sport ta’lim yo’nalishi 1-bosqich talabasi Tursunmuhammadov Shohruhbek 15-18-oktyabr kunlari Toshkent shahrida karate sport turi bo’yicha o’tkazilgan O’zbekiston kubogida g’oliblikni qo’lga kiritdi.

U 68 kg toifasida o’smirlar toifasida kumite yo’nalishida tatamiga tushib, Toshkent shahri, Surxondaryo, Samarqand, Qoraqalpog’iston Respublikasidan bo’lgan tengdoshlarini mag’lub etib, finalga yo’l oldi. Final jangida qashqadaryolik raqibi bilan tatamiga chiqdi hamda uni ham mag’lub etdi.

Shohruhbek xalqaro turnirlarda ham faol qatnashib kelmoqda. U 6 karra O’zbekiston chempioni, 2 karra Markaziy Osiyo chempioni, joriy yilda Yaponiyada o’tkazilgan Osiyo chempionatida 3-o’rinni qo’lga kiritgan.

Joriy yilning 20-22-sentabr kunlari Eron davlatining Urmia shahrida karate boyicha bo’lib ótgan “Urmia open - 15^th” xalqaro musobaqasida Qozog’iston, Ozarboyjon, Latviya, Turkiyalik raqiblarini mag’lub etib, faxrli 2-o’rinni egalladi.