Respublikamizda 15-iyul kuni oliy ta’lim muassasalariga 2019/2020 o’quv yili uchun boshlangan abituriyentlarni ro’yxatga olish o’z nihoyasiga yetdi.

Andijon davlat universitetiga o’qishga qabul qilishda imtiyozga ega bo’lgan abituriyentlar soni 809 nafarni tashkil etadi. Quyida imtiyozga ega abituriyentlar haqida statistik ma’lumotlarni keltirib o’tamiz.

Ro’yxatga olingan olimpiada, tanlovlar va sport musobaqalarida g’olib bo’lgan 54 nafar abituriyentlarning yo’nalishlar bo’yicha taqsimoti quyidagicha:

O’zbekiston Respublikasi Prezidentining 2019 yil 17 iyun kungi PQ-4359-sonli qarori asosan O‘zbekiston Respublikasi Qurolli Kuchlari safida muddatli harbiy xizmatni o‘tab, harbiy qism qo‘mondonligining tavsiyanomalariga ega bo‘lganlar uchun alohida besh foizli qabul ko‘rsatkichlarga ko’ra Andijon davlat universiteti bakalavriat ta’lim yo’nalishlari kunduzgi ta’lim shakli uchun jami 106 ta o’rin ajratilgan bo’lib, ularning 20 tasi grant, 86 tasi shartnoma. Sirtqi ta’lim shakli uchun esa, shartnoma asosida 29 ta o’rin ajratilgan.

Andijon davlat universitetida mavjud ta’lim yo’nalishlariga 283 nafar muddatli harbiy xizmatni o’tab, harbiy qism qo’mondonligining tegishli tavsiyanomasiga ega bo’lgan abituriyentlar ro’yxatga olindi. Ulardan 231 nafari kunduzgi, 52 nafari sirtqi ta’lim shaklini tanlagan.   

Shuningdek, oliy ta’lim muassasalariga abiturientlarni qabul qilishning umumiy soniga nisbatan nogironligi bo‘lgan shaxslar uchun qo‘shimcha ikki foizli davlat granti asosida Andijon davlat universiteti uchun kunduzgi ta’lim shakli uchun 42 ta, sirtqi ta’lim shakli uchun 17 ta o‘rin ajratilgan. Bu bo’yicha kunduzgi ta'lim shakliga 130 nafar, sirtqi shakliga 38 nafar, jami, 168 nafar nogironligi bo'lgan abituriyentlar ro'yxatga olingan. Shuningdek, ko'zi ojiz abituriyentlar ham imtiyoz asosida qabul qilinishi belgilangan. Musiqa ta'limi yo’nalishiga 5 nafar, Maktabgacha ta’lim yo’nalishiga 1 nafar, Boshlang`ich ta'lim va sport-tarbiyaviy ish yo’nalishiga 1 nafar, Filologiya va tillarni o`qitish: o`zbek tili yo’nalishiga 3 nafar, Geografiya ta’lim yo’nalishiga 1 nafar, Matematika yo’nalishiga 1 nafar, Milliy g`oya, ma'naviyat asoslari va huquq ta'limi yo’nalishiga 2 nafar, Pedagogika va psixologiya ta’lim yo’nalishi 4 nafar, Tarix (mamlakatlar va mintaqalar bo`yicha) ta’lim yo’nalishiga 2 nafar, Xorijiy til va adabiyoti: ingliz tili ta’lim yo’nalishiga 2 nafar jami 24 nafar ko'zi ojiz bo'lgan bo’lgan abituriyentlar ro’yxatga olindi.

Qurolli Kuchlar tarkibiga kiruvchi vazirliklar va idoralarni xizmatchilarining farzandlari uchun davlat granti asosida ta’lim olishga umumiy qabul sonidan 5 foizli kvota asosida 44 nafar harbiy xizmatchilarning farzandlari ro’yxatdan o’tdilar. Shundan, Otasi (onasi) xizmat vaqtida xalok bo'lgan yoki nogiron bo'lib qolgan harbiy xizmatchilarning farzandlari 3 nafarni tashkil etadi.

Ichki ishlar organlari hodimilarning farzandlari uchun davlat granti asosida ta’lim olishga umumiy qabul sonidan 3 foizli kvota asosida 27 nafar ichki ishlar organlari hodimilarning farzandlari ro’yxatdan o’tgan bo’lib, shundan Otasi (onasi) xizmat vaqtida xalok bo'lgan yoki nogiron bo'lib qolgan  ichki ishlar organlari hodimilarning farzandlari 1 nafarni tashkil etadi.

O‘zbekiston Respublikasi Vazirlar Mahkamasining 2019-yil 13-maydagi 395-sonli Qarori bilan test sinovlari (kasbiy (ijodiy) imtihon) majmuasiga chet tili (ingliz, nemis, fransuz, ispan, turk, arab, fors, dari, hind, urdu, xitoy, koreys, uyg‘ur, italyan, yapon tillari) birinchi (asosiy) fan sifatida kiritilgan bakalavriat ta’lim yo‘nalishlariga hujjat topshirgan va Davlat test markazi tomonidan beriladigan chet tilini bilish darajasi to‘g‘risidagi sertifikat (keyingi o‘rinlarda milliy sertifikat deb ataladi) yoki xalqaro sertifikatning quyidagi darajalariga ega bo‘lgan abiturientlarga ushbu fandan imtihonlarsiz belgilangan maksimal ball berish tartibi belgilangan. Unga ko’ra universitetga chet tilini bilish darajasi to’g’risidagi milliy va xorijiy sertifikatga ega bo’lgan 209 nafar abituriyentlar ro’yxatdan o’tgan bo’lib, ularning 92 nafari milliy, 117 nafari xorijiy sertifikatga ega.

Ijodiy imtixon topshiruvchi abituriyentlarning yo’nalishlar bo’yicha taqsimoti quyidagicha: