Respublikamizda 15-iyun kuni oliy ta’lim muassasalariga 2019/2020 o’quv yili uchun boshlangan abituriyentlarni ro’yxatga olish o’z nihoyasiga yetdi.

Va’da qilinganidek, universitet qabul komissiyasi 15-iyul kuni soat 00:00 ga qadar o’z ish faoliyatini davom ettirdi.

Ahamiyatli jihati, eng so’nggi abituriyent tungi soat 23:55 da yetib keldi va hech qanday muammolarsiz ro’yxatdan o’tkazildi.

Shu bilan 2019/2020-o’quv yili uchun qabul jarayonlari yakunlandi. Qabul – 2019 davomida Andijon davlat universiteti qabuli tarixida rekord o’rnatilib, qabul komissiyasi tomonidan 49008 nafar abituriyent ro’yxatdan o’tkazildi. Universitetimizga hujjat topshirgan abituriyentlar soni ham rekord darajada – 45 977 nafar. Bu ko’rsatkich bo’yicha Andijon davlat universiteti respublikada SamDU dan keyin 2 o’rinda.  Kunduzgi ta'lim shakliga – 29 288 nafar (bir o’rin uchun tanlov 13,85).

Qabul jarayonida 116 nafar operatorlar, 20 nafar posbonlar, 50 ga yaqin texnik xodimlar faoliyat yuritdilar. Universitet ma’muriyati qabul jarayonida faoliyat olib borgan barchaga o’z minnatdorchiligini izhor etadi.

Andijon davlat universitetida ham bu jarayon belgilangan tartib asosida na’munali tarzda o’tkazildi. Quyida ushbu jarayonga oid muhim ma’lumotlar bilan tanishtiramiz:

1. Abituriyentlar tomonidan eng ko'p tanlagan ta'lim yo'nalishlari (kunduzgi):
2. 5111800 - Maktabgacha ta'lim - 3071 nafar;
3. 5111400 - Xorijiy til va adabiyoti: ingliz tili - 2435 nafar;
4. 5140100 - Biologiya (turlari bo`yicha) - 2207 nafar;
5. 5112000 - Jismoniy madaniyat - 2149 nafar;
6. 5120300 - Tarix (mamlakatlar va mintaqalar bo`yicha) - 2081 nafar.

1. Tanlov ko'rsatkichi eng yuqori bo'lgan ta'lim yo'nalishlari (kunduzgi):
2. 5120300 - Tarix (mamlakatlar va mintaqalar bo`yicha) - 41.6 nafar;
3. 5630100 – Ekologiya va atrof-muhit muhofazasi - 34.3 nafar;
4. 521020302 – Psixologiya (amaliy psixologiya) (Andijon) – 29.6 nafar;
5. 5110900 - Pedagogika va psixologiya - 29.3 nafar;
6. 5112000 - Jismoniy madaniyat - 23.8 nafar.

sirtqi ta'lim shakliga – 16 689 nafar (bir o’rin uchun tanlov 19,07) abituriyent ro'yxatdan o'tdi.

1. Abituriyentlar tomonidan eng ko'p tanlagan ta'lim yo'nalishlari (sirtqi):
2. 5111700 – Boshlang’ich ta’lim va sport-tarbiyaviy ish – 4436 nafar;
3. 5111800 - Maktabgacha ta'lim - 3406 nafar;
4. 5112000 - Jismoniy madaniyat - 1728 nafar;
5. 5120300 - Tarix (mamlakatlar va mintaqalar bo`yicha) - 1245 nafar;
6. 5140100 – Biologiya (turlar bo`yicha) - 979 nafar.

1. Tanlov ko'rsatkichi eng yuqori bo'lgan ta'lim yo'nalishlari (sirtqi):
2. 5110900 - Pedagogika va psixologiya – 38.0 nafar
3. 5112000 - Jismoniy madaniyat - 34.5 nafar;
4. 5110700 - Informatika o’qitish metodikasi – 30,9 nafar;
5. 5112100 - Texnologik ta’lim – 28.0;
6. 5120300 – Tarix (mamlakatlar va mintaqalar bo`yicha) – 24.9 nafar.