Yoshlarni ma’naviyatini yuksaltirish va ularni bo‘sh mazmunli tashkil etish bo‘yicha Prezidentimiz tomonidan ilgari surilgan 4-muhim tashabbus doirasida hamda “Jamiyatda huquqiy ong va huquqiy madaniyatni yuksaltirish tizimini tubdan takomillashtirish to‘g‘risida”gi Prezident farmoni ijrosini ta’minlash, jamiyatda huquqiy savodxonlikni oshirish yuridik adabiyotlarni fuqarolar uchun qulay va arzon narxlarda yetkazib berish maqsadida Bugun Adliya vazirligi tomonidan Andijon davlat universitetida “Kitob mening do‘stim” shiori ostida sayyor kitob savdosi tashkil etildi.

Ushbu sayyor kitob savdosi aksiyasida 700 dan ortiq talabalar, professor-o‘qituvchilar, jamoatchilik vakillari ishtirok etdilar. Aksiyada ishtirokchilarga 2000 dan ortiq O‘zbekiston Respublikasi Konstitutsiyasi, kodekslari va boshqa yuridik adabiyotlar 50% li chegirma asosida taklif etildi.

Shuningdek, aksiya doirasida Andijon davlat universitetiga tashkilotchilar tomonidan 50 dan ortiq yuridik adabiyotlar to‘plami sovg‘a qilindi. Bu uchun universitet ma’muriyati Andijon viloyati adliya boshqarmasiga o‘z minnatdorchiligini izhor etadi.