Andijon davlat universiteti Tabiiy fanlar fakulteti Geografiya kafedrasida ta’lim sifatini yaxshilash, ta’lim jarayoniga innovatsion pedagogik texnologiyalarni tadbiq etish, ishlab chiqarish korxonalari bilan kooperatsion hamkorlikni keng yo‘lga qo‘yish va uni yanada rivojlantirish bo‘yicha bir qator amaliy ishlar amalga oshirilmoqda.

2019-yil 13-aprelda mana shunday tadbirlar biri bo‘lib o‘tdi. Andijon viloyati Gidrometeorologiya boshqarmasi boshlig‘i I.Mahmudov Geografiya ta’lim yo‘nalishi 1-kurs 101-102-guruh talabalariga “Meteorologiya” fanidan ma’ruza mashg‘ulotlarini olib bordi.

Ma’ruza juda qiziqarli, faktik ma’lumotlarga boyligi va amaliy ahamiyati juda yuqoriligi bilan talabalarning diqqat markazida bo‘ldi. Ma’ruza jarayonida I.Mahmudov butunjahonda va respublikamizda bo‘lib o‘tayotgan iqlim o‘zgarishlari, geografik omillarning iqlimga ta’sirini ilmiy ma’lumotlar asosida yoritib berdi.