Andijon davlat universiteti hamda O’sh davlat universiteti o‘rtasida imzolangan memorandumga muvofiq 2019-yil 9-aprel kuni O’sh davlat universitetining 12 nafar professor-o‘qituvchilar, ilmiy xodimlar va talabalardan tashkil topgan delegatsiya Andijon davlat universitetiga tashrif buyurdi. Dastlab mehmonlarga Prezidentimiz Shavkat Mirziyoyev tomonidan o‘rtaga tashlangan ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha 5 ta muhim tashabbus bo‘yicha tushuncha berildi.

Mehmonlar bu tashabbuslar bo‘yicha juda iliq fikr bildirdilar. Mehmonlarga ham universitet professor-o’qituvchilari tomonidan chop etilgan ilmiy va o’quv adabiyotlari sovg’a qilindi.

Mehmonlarga universitetimiz tanishtirilib, Yevropa Ittifoqi tomonidan moliyalashtirilgan “RENES” loyihasi ilmiy labaratoriyasi tanishtirildi.

Shundan so‘ng, universitetning kichik majlislar zalida Tabiy fanlar fakulteti, jismoniy madaniyat, Ijtimoiy iqtisodiyot fakultetlari vakillari bilan uchrashuv bo‘lib o‘tdi. Uchrashuvda mehmonlarning safaridan ko‘zlangan maqsad tegishli sohalar va ta’lim yo‘nalishlari bo‘yicha master klass va ilmiy ma’ruza darslarini tashkil etish ekanligi aytib o‘tildi.

Shundan kelib chiqqan holda mazkur fakultetlarda dars va ma’ruzalar o‘tish uchun fakultetlarga ajratildi. Ular Andijon davlat universitetining Ijtimoiy iqtisodiyot va Tabiiy fanlar fakultetlari talabalariga mutaxassislik fanlaridan turli mavzularda ma’ruzalar o‘qishdi. Ma’ruzachi professor-o‘qituvchilarga universitet rektori tomonidan ma’ruza darslarini tashkil etganligi haqida sertifikatlar berildi.

Tashrifning yakunlovchi qismida mehmonlarga Andijon davlat universitetida joylashgan “Qatag‘on qurbonlari xotirasi” muzeyiga tashrif buyurishdi, Mehmonlarni muzey direktori, professor R.T.Shamsutdinov muzey faoliyati bilan yaqindan tanishtirdi. Mehmonlar qatag‘on qurbonlari hamda Andijon o‘tmishi bilan bog‘liq muhim tarixiy ma’lumotlarga ega bo‘ldilar.