Yoshlar o’rtasida sog‘lom turmush tarzini targ‘ib qilish, yoshlarning bo’sh vaqtini mazmunli tashkil etish, ular o’rtasida o’zaro madaniy sport aloqalarini yo’lga qo’yish hamda yoshlarni sport musobaqalariga ommaviy tarzda jalb qilish maqsadida Mega sport musobaqasi o’tkazib kelinmoqda.

«Biz chempion» shiori ostida yo’l to’sig‘idan o’tishda jamoalar va individual ishtirokchilar o’rtasidagi an’anaviy «Mega sport» musobaqasi Respublika bosqichi joriy yilning 20-22 dekabr kunlari  Toshkent viloyati Bo’stonliq tumanida O’zbekiston yoshlar ittifoqi Markaziy Kengashi, Jismoniy tarbiya va sport davlat qo’mitasi, Madaniyat vazirligi, Ichki ishlar vazirligi, Sog‘liqni saqlash vazirligi, Favqulodda vaziyatlar vazirligi, O’zbekiston mudofaasiga ko’maklashuvchi «Vatanparvar» tashkiloti,  “Yaks Future Product” MChJ hamkorligida o’tkazildi.

Yakuniy natijalarga ko’ra 180 ball bilan viloyatimiz jamoasi asosini tashkil etgan universitimiz talabalari 14 ta jamoa orasida faxrli 2-o’rinni qo’lga kiritdi.