Andijon Davlat universitetida 2018-2019 o‘quv yili qabuli uchun 3243 nafar abituriyentlar musiqa ta’limi, tasviriy san’at va muhandislik grafikasi, jismoniy madaniyat yo‘nalishlariga kirish uchun ijodiy imtixon topshirishishi rejalashtirilgan. Joriy yilning 28 iyul sanasiga qadar 1517 nafar abituriyentlar ijodiy(kasbiy) imtixonlarini topshirishga ulgurdi va olgan ballari shu kunning o‘zida e’lon qilinmoqda.

          Mazkur yo‘nalishlardagi ijodiy imtixon natijalari asosida birinchi marotaba test sinovlarisiz talabalar o‘qishga qabul qilinadi.

          Andijon Davlat universitetida ijodiy(kasbiy) imtihon bo‘yicha imtihon komissiyasi raisi va a’zolari O‘zbekiston Respublikasi Oliy va o‘rta maxsus ta’lim vazirligi tomonidan tayinlangan. Ijodiy imtihon jarayonlarini boshlanishidan to yakunlanishigacha videotasvirga olinib vazirlikning maxsus serveriga yuborilmoqda.

Bundan tashqari jarayon ota-onalar, mahalliy kengash deputatlari va OAVning qat’iy nazoratida o‘tkazilyapti.