O‘zbekiston yoshlar ittifoqi Markaziy Kengashi raisi X.Sattarov hamda Yoshlar ishlari agentligi direktori A.Sa’dullayevlar ishtirokida oliy ta’lim muassasalarida tahsil olayotgan talabalar bilan ishlash samaradorligini oshirish, ularning intellektual, badiiy va ijodiy qobiliyatlarini rivojlantirish uchun keng imkon beruvchi keng imkoniyatlarni yaratish masalalariga bag'ishlangan muhim uchrashuv bo‘lib o‘tdi.

Mazkur uchrashuvda Andijon viloyati Yoshlar ittifoqi mas'ullari hamda viloyatimizdagi oliy ta'lim muassasalari Yoshlar ittifoqi boshlang'ich tashkiloti koordinatorlari ham zoom platformasi orqali universitetning kichik majlislar zalida tashkil etilgan studiyadan faol ishtirok etdi.

Uchrashuv davomida viloyatimizdagi oliy ta'lim muassasalari uchun yoshlarni har tomonlama rivojlantirishga xizmat qiluvchi loyihalar faoliyatini yo‘lga qo‘yish hamda ularga yangi bilimlar, malakalar va ko‘nikmalarni taqdim etish bo‘yicha taklif va tashabbuslar muhokama qilindi.

Shuningdek, yoshlarning intellektual va ijodiy qobiliyatlarini rivojlantirishga qaratilgan turli dasturlar, seminarlar va treninglar orqali ular uchun yanada keng imkoniyatlar yaratish, ularni jamiyat hayotida faol ishtirokchilarga aylantirish muhim ahamiyatga ega ekanligi ta'kidlandi.