Joriy yilning 22-yanvar kuni Andijon davlat universitetining 5-sonli talabalar turar joyida talaba-qizlarning darsdan tashqari bo'sh vaqtlarini mazmunli va maroqli tashkil etish hamda ijodiy va amaliy ko'nikmalarini rivojlantirish maqsadida ''Tikuvchilik'' to'garak mashg'uloti o'tkazildi.

Mashg'ulot davomida tikuvchilik tajribasiga ega D.Xodjayeva hamda tarbiyachi-pedagog Durdona Karimovalar talaba-qizlarga milliy matolarimizdan bejirim bo'yinbog'lar tikish va ularga bezak berish bo'yicha master klass darslarini olib bordi.

Ushbu mashg'ulotlar talabalarga nafaqat qo‘l mehnati san’ati, balki o‘zining madaniy merosini qadrlash, milliy an’analarga hurmat bilan yondashish va o‘z ijodiy qobiliyatlarini rivojlantirish imkoniyatini bermoqda.