Bugun, 20-yanvar kuni Andijon davlat universitetida "Yashil makon" umummilliy dasturi ijrosini ta'minlash maqsadida viloyat prokuraturasi bilan hamkorlikda tadqiqotchi-olimlar ishtirokida davra suhbati bo'lib o'tdi.

Suhbat davomida ma'ruzachilar tomonidan "Yashil makon" umummilliy dasturini Andijon viloyatida amalga oshirilishi, xususan, shahrimiz ekologiyasiga zarar yetkazmaydigan, mahalliy iqlim va tuproqqa mos daraxtlar va o‘simliklarni ekish bo‘yicha loyihalar taqdim etildi.

Shuningdek, ekologik jihatdan barqaror va uzoq muddatda samarali bo‘ladigan o‘simlik turlarini tanlashning ahamiyati so'z yuritilib, unda mahalliy o‘simlik turlarining o‘simliklar va hayvonot dunyosiga moslashuvchanligi, shuningdek, daraxtlar va butalar yordamida havo sifatini yaxshilash, karbon dioksidni kamaytirish va tuproqni eroziyaga qarshi himoya qilish kabi masalalar alohida ta'kidlandi.