Bugun, 20-yanvar kuni Andijon davlat universitetida Yoshlar masalalari va ma’naviy-ma’rifiy ishlar bo‘yicha birinchi prorektor boshchiligida fakultet dekan o‘rinbosarlari, tyutorlar hamda ma'naviyat sohasi vakillari ishtirokida ma’naviy-ma’rifiy va tarbiyaviy ishlar samaradorligini oshirish masalasiga bag‘ishlangan yig‘ilish o‘tkazildi.

Yig'ilish davomida professor-o'qituvchilar hamda talabalarning axloqiy me'yorlar va ichki-tartib intizom qoidalariga rioya qilishi, talabalarning kitobxonlik, shuningdek, ma'naviy-ma'rifiy, ko'ngilochar tadbirlar, to'garak mashg'ulotlaridagi ishtirokini tizimli olib borish, "Ma'rifat darsi" bo'yicha dars jadvalini tashkil etish va darslarga soha mutaxassislarini jalb etish bo'yicha muhokamalar olib borilib, aniq rejalar belgilandi.