Bugun, 27-dekabr kuni Andijon davlat universitetida kirib kelayotgan Yangi yil bayrami munosabati bilan professor-o‘qituvchilar va ishchi-xodimlar uchun bayramona yangi yil karnavali bo'lib o'tdi.

Tadbir avvalida barchaga qaynoq kofelar tarqatildi. Tadbirni universitet rektori Baxtiyorjon Akbaraliyev joriy yilda amalga oshirilgan islohotlar va kelgusidagi rejalar haqida qisqacha to'xtalib, barcha yig‘ilganlarni yangi yil bayrami bilan samimiy qutladi. Tadbirning kulminatsion nuqtasida bayram tortini tantanali kesish marosimi o'tkazildi.

Bayram dasturi davomida raqsga chorlovchi sho'x kuy-qo'shiqlar yangrab, qiziqarli sahna ko'rinishlari, musiqiy chiqishlar va qiziqarli o'yinlar namoyish etilib, g'oliblar uchun sovg'alar taqdim etildi. "Og'alar jamoasi tomonidan taqdim etilgan sahna ko'rinishlari qatnashuvchilar yuziga tabassum hadya etdi.

Tadbir so'nggida, yil davomida faollik ko'rsatgan professor-o'qituvchilar va ishchi-xodimlar universitet rektori hamda xodimlar va talabalar kasaba uyushmasi qo'mitasi tomonidan diplom va edalik sovg'alari bilan tantanali taqdirlandi.