Universitetimiz psixologi "Xalqaro psixologlar kuni"ga bag'ishlangan forumda faol ishtirok etmoqda

Urganch davlat universitetida "Xalqaro psixologlar kuni" munosabati bilan “Raqamli dunyoda talaba-yoshlarning psixologik salomatligi: muammolar va yechimlar” mavzusida respublika psixologlar forumi bo'lib o'tmoqda.

Forum doirasida gadjet va ijtimoiy tarmoqlar qaramligining oldini olish usullari, oliy ta’lim muassasalarida raqamli gigiyenani shakllantirish hamda raqamli qaramlikning talabalar ta’lim jarayoniga salbiy ta’siri kabi mavzularda tajribali psixologlar tomonidan foydali treninglar va ma'ruza mashg'ulotlari olib borilmoqda.

Mazkur forumda universitetimiz psixologi Otabek Muxtarov ham o'zining kreativ treninglari hamda samarali psixologik seminarlari bilan faol ishtirok etmoqda.