Joriy yilning 19-iyun kuni Andijon davlat universitetining kichik majlislar zalida universitet rektori Baxtiyorjon Akbaraliyev rahbarligida ta'lim muassasasida o'quv, ilmiy hamda ma'naviy-ma'rifiy sohada amalga oshirilayotgan ishlar va kelgusidagi ustuvor vazifalarni belgilash masalalariga bag'ishlangan yig‘ilish o'tkazildi.

Unda prorektorlar, fakultet dekanlari, kafedra mudirlari hamda bo'lim boshliqlari ishtirok etdi.

Dastlab, rektor "Yoshlar oyligi" doirasida tashkil etilayotgan uchrashuv, ma'naviy-ma'rifiy tadbirlar, sport musobaqalarini munosib o'tkazish bo'yicha mas'ullarga kerakli ko'rsatmalar berdi.

Yig'ilish davomida 2023/2024-o‘quv yili yakunlari hamda yangi 2024/2025-o'quv yiliga tayyorgarlik holatlari, ilm-fan va innovatsion faoliyat sohasida 2023-yilda erishilgan natijalar, ma'naviy-ma'rifiy va tarbiyaviy ishlarni tashkil etish yuzasidan prorektorlarning axborotlari tinglandi va oliygohning kelgusi istiqboldagi rejalari belgilandi.