Bugun, 14-iyun kuni Andijon davlat universitetining faollar zalida universitetimiz qoshidagi Akademik litseyi bitiruvchilari hamda ularning ota-onalari ishtirokida ''Yangi O'zbekiston yoshlari - birlashaylik'' shiori ostida tantanali bitiruv kechasi o'tkazildi.

Bitiruv kechasida so'z olgan universitet birinchi prorektori Xurshidbek Xodjamberdiyev hamda litsey direktori Ulug'bek Valiyevlar katta hayotga qadam qo'yayotgan bitiruvchi-yoshlarga o'zining ezgu tilaklarini bildirib, tadbirni ochib berdi.

Bayram tadbirida bitiruvchi-yoshlar oʻzlarining badiiy chiqishlarini namoyish etishdi. Tadbir so'nggida o'zining namunali xulqi, o'qishlardagi muvaffaqiyati, odob-axloqi va bilim egallashdagi salohiyatlari bilan tengdoshlariga o'rnak bo'layotgan yoshlarning ota-onalariga rahbariyatning tashakkurnomalari topshirildi.