Ayni kunlarda Andijon davlat universiteti Genetika va biotexnologiya kafedrasi professori Dilfuza Tuychiyeva va dotsent Feruza Tuxtaboyevalar malaka oshirish kurslarida ishtirok etish maqsadida dunyoning Top-1000 talik universitetlari qatoridan joy olgan Turkiyaning Yildiz Texnika universitetida bo'lib turibdi.

Mazkur malaka oshirish dasturida professor-o'qituvchilarimiz nufuzli oliygohning professorlari tomonidan olib borilayotgan mashg'ulotlarida ishtirok etib, o'z malakalarini oshirmoqda.

Tashrif davomida ikkala oliy ta’lim muassasi o‘rtasida ilmiy tadqiqotlar va ilmiy ma’lumotlar almashish, talabalar, magistrlar, fan doktorlarining o‘zaro almashinuvini tashkil etish, birgalikda darsliklar, o‘quv qo‘llanmalar, ma’ruzalar, ilmiy maqolalar, madaniy tadbirlarni tashkil etish kabi bir qator muhim masalalar muhokama qilish ko'zda tutilgan.