Bugun, 28-may kuni Andijon davlat universitetida "Bio Tex Eko" sanitar tozalash korxonasi hamkorligida bitiruvchi-talabalar bandligini ta'minlash, ularni ishga joylashtirish masalalariga bag'ishlangan zoom dasturi orqali uchrashuv tashkil etildi.

Uchrashuvda mas'ullar tomonidan Ekologiya va atrof muhit muhofazasi yo'nalishi bitiruvchilarini ish bilan ta’minlash uchun barcha choralarni ko‘rish, talabalarning qiziqishi, istaklari va qobiliyatini o‘rganish asosida ularni tashkilotning muhim yo'nalishlariga yo‘naltirish lozimligi ta’kidlandi.

Shuningdek, ishga joylashgunga qadar talabalarning olgan nazariy bilimlarini amaliyotda qo'llash maqsadida "Bio Tex Eko" sanitar tozalash korxonasida amaliyot o'tashlari yuzasidan hamkorlik masalalari muhokama qilinib, istiqboldagi rejalar belgilandi.