Bugun, 27-may kuni Andijon davlat universitetida iqtidorli talaba-yoshlarning loyihalarini qo'llab-quvvatlash maqsadida Andijon yoshlar texnoparki mutaxassislari hamkorligida davra suhbati tashkil etildi.

Ochiq muloqot avvalida Andijon yoshlar texnoparki rahbari Sh.Gʻulomov g‘oya, loyiha, innovatsiya tushunchalari, Startap loyihalarni joriy qilish, ishlab chiqarish hamda tadbirkorlik faoliyatini samarali yurgazish bo'yicha ishtirokchilarga ma'lumotlar berdi. Shuningdek, “Andijon yoshlar texnoparki”da tashkil etilgan o‘quv kurslarida loyiha qatnashchilari o‘z biznes loyihalarini rivojlantirish yo‘nalishlari bo‘yicha bepul tahsil olish imkoniyatiga ega ekanligini tushuntirib o‘tdi.

Suhbat davomida texnopark mutaxassislari turli yo‘nalishlardagi g‘oya, loyihalarini amalga oshirish bo‘yicha talabalarni qiziqtirgan barcha savollarga atroflicha ma’lumotlar berdi.