9-may — Xotira va qadrlash kuni munosabati bilan 6-7-may kunlari Andijon davlat universitetida Xodimlar va talabalar kasaba uyushmasi qo’mitasi tashabbusi bilan professor-o'qituvchilar hamda talabalar o'rtasida sportning voleybol, basketbol, badminton, stol tennis, futbol turlari bo'yicha musobaqa bo'lib o'tdi.

Bugun, 8-may kuni ushbu musobaqaning g'olib va sovrindor bo'lgan jamoalarni tantanali taqdirlash marosimi o'tkazildi. Tadbir avvalida ishtirokchilar tomonidan Oʻzbekiston Respublikasining davlat madhiyasi yuksak ehtirom bilan ijro etildi.

Tantanali tadbirda universitet rektori, professor Akramjon Yuldashev so'z olib, sport o'yinlarida ishtirok etgan barcha qatnashchilarga o'zining samimiy tilaklarini bildirdi va g'oliblarga diplom hamda qimmatbaho esdalik sovg'alarini topshirdi.