Bugun, 4-may kuni Andijon davlat universitetiga "Ochiq eshiklar kuni" munosabati bilan Baliqchi tumanidagi 28-31-27-22-26-55 umumta'lim  maktablarining bitiruvchi o'quvchilari tashrif buyurdi.

Dastlab, universitet rektori Akromjon Yuldashev maktab bitiruvchilari bilan uchrashuv o‘tkazdi. Uchrashuvda ta'lim tizimida amalga oshirilayotgan islohotlar, mamlakatimizda yoshlarga yaratilayotgan keng imkoniyatlar, ta'limga doir qabul qilingan qaror va farmonlarning mazmun-mohiyati haqida tushunchalar berib, oliygohda talabalarga yaratilgan shart-sharoitlar bo'yicha batafsil tushunchalar berdi.

Shundan so'ng, universitet mas'ullari tomonidan oliygoh fakultetlari, o'quv va ma'ruza auditoriyalari, laboratoriya xonalari, universitetda faoliyat yuritayotgan muzeylar, shuningdek, axborot resurs markazlari yaqindan tanishtirildi.