Ayni kunlarda Andijon davlat universiteti O’zbek tilshunosligi kafedrasi professori, filologiya fanlari doktori Dilora Nabiyeva hamda Boshlang’ich ta’lim metodikasi kafedrasi mudiri filologiya fanlari doktori, dotsent Dilfuza Nurmanovalar xalqaro hamkorlikni yo'lga qo'yish hamda stajirovka o'tash maqsadida Germaniyaning Mainz universitetida bo’lib turibdilar.

Ta'lim muassasamiz ustozlari Mainz universitetining Turkologiya yo'nalishida tahsil olayotgan talabalarga “Turkiy tillar grammatikasi“ kursi bo’yicha ma’ruza, Prof. D.Nabiyeva  magistrantlar, yosh ilmiy izlanuvchilar hamda professor-o’qituvchilarga “O’zbek tilshunosligining hozirgi taraqqiyot bosqichi” mavzusida seminar o’tkizdilar.

Tashrif doirasida ikki oliygoh professorlari o'rtasida uchrashuv o'tkazildi. Unda ikki universitet oʻrtasida professor-o‘qituvchi va talabalar almashinuvi, o‘zaro o‘quv jarayonlarini tashkil qilish, tajriba almashish, stajirovka o‘tash, malaka oshirish va ilmiy faoliyatdagi hamkorlikni rivojlantirish masalalari muhokama qilinib, istiqboldagi rejalar belgilab olindi.