Joriy yilning 30-aprel kuni universitetlar orasida tuzilgan hamkorlik shartnomalari asosida Qirg‘iziston Respublikasi Jalolobod davlat universitetidan ikki nafar dotsent sakkiz nafar talaba-yoshlar Andijon davlat universitetiga malaka oshirish maqsadida tashrif buyurdilar.

Dastlab, mehmonlar ta'lim muassasasida talabalarga yaratilgan shart-sharoitlar, oʻquv va maʼruza zallari, laboratoriya xonalari hamda axborot resurs markazi bilan yaqindan tanishdi.

Tashrif doirasida ikki universitet o‘rtasida hamkorlikni yanada rivojlantirish, talabalar va professor-o‘qituvchilar almashinuvini yo‘lga qo‘yish yuzasidan fikrlar almashildi va kelgusidagi rejalar belgilab olindi.

Shundan so'ng, talabalar ikki kun mobaynida o'zlarining yo'nalishi bo'yicha dars mashg'ulotlarini kuzatib, o'zlariga kerakli ma'lumotlar olib, turli metod va malakalarga ega bo‘ldilar.

Tashrif so'nggida mehmonlarga universitet rahbariyatining esdalik sovg‘alari tantanali topshirildi.