Bugun, 1-may kuni Andijon davlat universitetida "Ma'rifat ulashib" loyihasi doirasida rassom va ijodkor, tasviriy sanʼat va muhandislik grafikasi yoʻnalishi talabasi Hulkaroy Arziqulovaning “Ustoz-shogird” anʼanalariga asoslangan “Ona yurt manzaralari” deb nomlangan ijodiy ishlar ko'rgazmasi bo'lib o'tdi.

Haqiqiy sanʼat bayramiga aylanib ketgan tadbirni universitet rektori, professor Akramjon Yuldashev ochib berdi. Iqtidor egasi Hulkaroy Arziqulova tomonidan yaratilgan san'at asarlari universitet rektori hamda mutaxassislar tomonidan yuksak baholandi.

Tadbir doirasida Andijon davlat universiteti hamda Marhamat tumanidagi 26-sonli bolalar musiqa va san'at maktabi o'rtasida hamkorlik memorandumi imzolandi.

Tadbir so'nggida o'zining ijodiy ishlari bilan “Amaliy va tasviriy sanʼat haftaligi”da faol ishtirok etgan isteʼdodli talabalar universitet rektori tomonidan esdalik sovg'alari bilan munosib taqdirlandi.