Bugun, 24-aprel kuni Andijon davlat universitetining kichik majlislar zalida "O'zbekistonda uchinchi renessans va innovatsion jarayonlar" mavzusida xalqaro ilmiy-amaliy onlayn anjuman bo'lib o'tdi.

Unda O'zFa akademigi S.Zaynobidinov, Kimyo kafedrasi professori, Xalq tabobati akademiyasi prezidenti I.Asqarov, Oliy Majlis Senati senatori T.Madumarov, RFA akademigi G.Voropaev va boshqa olim, tadqiqotchilar o'z ma'ruzalari ishtirok etdi.

Anjumanni Andijon davlat universiteti rektori, professor Akramjon Yuldashev o'z nutqi bilan ochib berdi. Shundan so'ng, ishtirokchilar mavzuga oid ma'ruzalari bilan davom etdi.

Anjumanda so'z olgan ma'ruzachilar fan sohalarida amalga oshirayotgan yangiliklar, ixtirolar haqida to'xtalib, metallooksidlar asosidagi elektron qurilmalar ishlab chiqarish istiqbollari, O'zbekistonda yaratilgan tovarlar kimyosi va xalq tabobati fanlari hamda ularning dunyo ilm-fani rivojlanishida tutgan o'rni va boshqa shu kabi dolzarb mavzular ko'tarildi.

Anjuman doirasida ishtirokchilar e'tiboriga havola etilgan ma'ruzalar professor, olim va tadqiqotchilar tomonidan muhokama etilib, savol-javoblar tashkil etildi.