O'zbekiston Respublikasi Prezidentining 2024-yil 21-fevraldagi "O'zbekiston — 2030" strategiyasini "Yоshlаr va biznesni qo'llab-quvvatlash yili"da amalga oshirishga oid davlat dasturi to'g'risida"gi PF-37-son Fаrmоni 1-ilovasi 88.2-bandida belgilangan topshiriqning ijrosini ta'minlash maqsadida, bugun, 22-aprel kuni Andijon davlat universitetida Andijon viloyati talabalar sport Assotsiatsiya boshqarmasi hamkorligida oliygohimiz tyutorlari uchun Talabalar o'rtasida jismoniy tayyorgarlik sinovlarini o'tkazish va to'g'ri tashkil etishga qaratilgan o'quv seminar bo'lib o'tdi.

Seminarda birinchi prorektor X.Xodjamberdiyev, Sport klubi raisi Y.Katlov hamda Andijon viloyati talabalar sport Assotsiatsiya raisining birinchi o'rinbosari E.Qodirovlar 11 ta yosh toifasida, jumladan, talabalar o'rtasida jismoniy tayyorgarlik darajasi sport sinovlarida ishtirok etish uchun ariza topshirish, musobaqada qatnashish yo'riqnomalari va nizomi bilan tanishtirdi.

Uchrashuv davomida mazkur musobaqada ishtirok etishda aholi, xususan, talaba-yoshlar qamrovini oshirish bo'yicha so'z yuritildi.