Bugun, 4-aprel kuni Andijon davlat universitetining Xoʻjaobod tumani Karnaychi qishlogʻida joylashgan yozgi oromgohida "Yashil makon” umummilliy loyihasi doirasida professor-o'qituvchilar hamda ko'ngilli talaba-yoshlar ishtirokida ommaviy ko‘chat ekish aksiyasi o‘tkazildi.

Aksiya davomida prorektorlar, fakultet dekanlari, dekan o'rinbosarlari, professor-o'qituvchilar, ishchi-xodimlar hamda ko'ngilli yoshlar sport va sogʻlomlashtirish oromgohi hududida ming tupdan ziyod manzarali va mevali daraxt ko‘chatlarini ekdilar.

Atrof-muhit muhofazasi borasida olib borilayotgan keng qamrovli ishlar yashil maskanlar, istirohat bog'larining ko'payishiga va ayniqsa, biz nafas olayotgan havoning tozalanishi hamda tuproq eroziyasining oldini olishga xizmat qiladi.