Bugun, 15-mart kuni Andijon davlat universitetining katta faollar zalida "Yoshlik umr bahoridir" shiori ostida 2023-2024-o'quv yilida O'zbekiston Respublikasi Prezidenti va nomli davlat stipendiyasi sovrindorlarini taqdirlash marosimi bo'lib o'tdi.

Tantanali tadbir avvalida universitetimiz rektori, professor Akramjon Yuldashev so'z olib, nomdor stipendiya sohibi va sohibalari hamda ularning ota-onalariga o'zining samimiy tilaklarini bildirdi.

Shundan so'ng, universitetimiz rektori boshchiligida O'zbekiston Respublikasi Prezidenti hamda nomdor stipendiya sohib, sohibalarini tantanali taqdirlash marosimi bo'lib o'tdi. Unda universitetimizning 16 nafar stipendiat talaba-yoshlari va ularning ota-onalari hamda ilmiy rahbarlari tantanali taqdirlandi.

Barchaga unutilmas onlarni hadya etgan bayram tadbirida Pedagogika va san'atshunoslik fakultetining iqtidorli talaba-yoshlari tomonidan jozibali kuy va qo‘shiqlar ijro etilganligi kechaga yanada fayz ulashdi.