Joriy yilning 5-mart kuni Andijon davlat universitetida O'zFA akademigi, fizika-matematika fanlari doktori, professor Bobomurod Ahmedov hamda O'zFA akademigi, fizika fanlari doktori, professori Sirojiddin Zaynobiddinovlar ishtirokida "Uch avlod uchrashuvi" bo'lib o'tdi.

Uchrashuvda fidoiy olimlar, akademiklar fizika-astronomiya fanining dolzarb muammolari, sohada olib borilayotgan tadqiqotlar, erishayotgan natijalar borasida suhbat o'tkazdi. Uchrashuv davomida akademik tomonidan mahorat darslari o'tilib, yosh tadqiqotchilar bilan ustoz sifatida o'z tajriba va ko'nikmalari bilan o'rtoqlashdi.

Shuningdek, uchrashuv davomida akademik Bobomurod Ahmedov tomonidan birinchi va ikkinchi renessans davrida Markaziy osiyolik olimlarning kashfiyotlari, Ulug'bekning astronomiya maktabi, gravitatsion to'lqinlari kabi mavzularda ma'ruza mashg'ulotlari olib borildi.

Uchrashuvdan so'ng, mehmonni professor Rayimjon Aliyev universitetimiz qoshida faoliyat yuritayotgan qayta tiklanuvchi energiya manbalari laboratoriyasida olib borilayotgan ilmiy tadqiqotlar bilan yaqindan tanishtirdi.