Bugun, 31-yanvar kuni Andijon davlat universitetida respublika ishchi guruhi a'zosi R.Xudoyberganov viloyatimizdagi davlat oliy ta'lim muassasalarining Yoshlar masalalari va ma'naviy-ma'rifiy ishlar bo'yicha hamda O'quv ishlari bo'yicha prorektorlari ishtirokida ta'lim tizimida amalga oshirilayotgan islohotlar samaradorligini oshirishga qaratilgan uchrashuv o'tkazdi.

Uchrashuvda ishchi guruh tomonidan Andijon viloyatida oliy ta'lim tizimini yanada takomillashtirish va o'quvchilar ehtiyojidan kelib chiqib OTMlarda yangi yo'nalishlarni ochish orqali yoshlarni oliygohda qamrab olish darajasini oshirish kabi masalalar ko'rib chiqildi.

Uchrashuv davomida ishtirokchilarning ta'lim tizimida amalga oshirilishi lozim bo'lgan chora-tadbirlar yuzasidan fikr va takliflar tinglanib, yaqin istiqboldagi rejalar belgilanib olindi.