Joriy yilning 17-yanvar kuni ijtimoiy tarmoqdagi telegram kanal orqali berilgan murojaatga munosabat

Andijon davlat universiteti ushbu masala yuzasidan quyidagilarni ma'lum qiladi:

Universitet rektorining tegishli buyrug'i bilan Yoshlar ittifoqi boshlang'ich tashkiloti koordinatorlarini rag'batlantirish belgilangan. Ammo rag'batlantirish puli quyidagi sabablarga ko'ra kechiktirilgan:

2024-yilning 1-yanvar sanasidan boshlab byudjet tashkilotlarining hisobxonasi, jumladan, Andijon davlat universiteti buxgalteriya hisobi ham "Uz ASBO—2" dasturiy majmuasida yuritilishi boshlanganligi hamda ushbu tizimga o'tish jarayoni amalga oshirilayotganligi uchun kechiktirilmoqda.

Hozirda tegishli tashkilotlar bilan ushbu masala ko'rib chiqilmoqda va tez orada koordinatorlarning rag'bat pullari belgilangan tartibda beriladi.