Oʻzbekiston Respublikasi Markaziy bankining “Davlat belgisi” davlat unitar korxonasi 2023/2024 oʻquv yilidan boshlab oʻrta maxsus taʼlim toʻgʻrisidagi diplom, diplomga ilova va sertifikat blankalari Oʻzbekiston Respublikasi Oliy taʼlim, fan va innovatsiyalar vazirligining buyurtmasi boʻyicha himoyalangan maxsus qogʻozlarda shartnoma asosida tayyorlab berilishini taʼminlaydi.

2023/2024-oʻquv yiliga qadar akademik litseylarning bitiruvchilariga berilgan qogʻoz shaklidagi diplom yoʻqotilgan taqdirda, Vazirlar Mahkamasining “Umumiy oʻrta va oʻrta maxsus taʼlimning davlat taʼlim standartlarini tasdiqlash toʻgʻrisida” 2017-yil 6-apreldagi 187-son qarorida belgilangan davlat namunasidagi diplomning dublikati beriladi.

Batafsil: https://lex.uz/uz/docs/6694135