Ma'lumki, universitetimizda rektor boshchiligida fakultet rahbariyati va professor-o'qituvchilari bilan 2023-yilda amalga oshirilgan ishlar hisoboti yuzasidan tahliliy uchrashuvlar bo'lib o'tmoqda.

Shu maqsadda, bugun, 9-yanvar kuni Andijon davlat universiteti rektori, professor Akramjon Yuldashev, mas'ul prorektorlar ishtirokida Fizika hamda Pedagogika va san'atshunoslik fakultetlari rahbariyatlari va professor-o'qituvchilari bilan tahliliy uchrashuv o'tkazildi.

Uchrashuv avvalida fakultet dekanlarining 2023-yilda amalga oshirilgan o'quv va ilmiy, ma'naviy-ma'rifiy ishlar tizimida amalga oshirilgan islohotlar yuzasidan hisobotlari tinglandi. Shundan so'ng, rektor va prorektorlar tomonidan mavjud muammo va kamchiliklar aniqlanib, 2024-yilda rejalarni tubdan yangilash lozimligi ta'kidlandi.

Shuningdek, fakultet professor-oʻqituvchilarining 2023-yilda ilmiy va o'quv faoliyati yuzasidan qilingan ishlari tahlil qilindi, ilmiy himoyalar va o'quv jarayonlarini sifatli tashkil etish kabi masalalar atroflicha muhokama etilib, istiqboldagi rejalar belgilab olindi.