Bugun, 22-dekabr kuni ijtimoiy tarmoqdagi telegram kanal orqali berilgan murojaatga munosabat

Andijon davlat universiteti ushbu masala yuzasidan quyidagilarni ma'lum qiladi:
Andijon davlat universitetida professor-o'qituvchilar va ishchi xodimlarni moddiy qo'llab-quvvatlash hamda bahor-qish mavsumi uchun qishloq xo'jaligi mahsulotlarini zahiraga jamg'arish maqsadida har yili bir martalik mablag' ajratiladi.

Bu yil ham universitet rektorining 2023-yil 18-dekabrdagi buyrug'i bilan belgilangan tartibda (500 ming so'm) moddiy mablag' puli berilishi ko'zda tutilgan va mas'ullar orqali barcha professor-o'qituvchilarga bu haqida axborot berilgan. Murojaatchi bundan bexabar qolgan bo‘lishi mumkin.

Ko‘rsatilgan pul mablag‘lari 23-dekabr kunidan boshlab professor-o‘qituvchi va ishchi-xodimlarga beriladi.